24—25 žniŭnia ŭ Biełarusi z pryvatnym vizitam budzie znachodzicca ministr zamiežnych spraŭ Litvy Vihaŭdas Ušackas.
Jak paviedamlaje pres‑słužba litoŭskaha MZS, naviedać Biełaruś i razam ahledzieć
miescy histaryčnaj spadčyny časoŭ Vialikaha kniastva Litoŭskaha ŭ Lidzie, Navahrudku, Niaśvižy i Miry Ušackasa zaprasiŭ jaho biełaruski kaleha Siarhiej Martynaŭ.
«Vizit skiravany na raźvićcio supracoŭnictva susiednich krain, i asabliva pryhraničnych rajonaŭ, u śfiery kultury, turyzmu, dziełavych adnosinaŭ i kantaktaŭ pamiž nasielnictvam», — havorycca ŭ paviedamleńni.
Padčas vizitu Ušackas płanuje abmierkavać z Martynavym i inšymi pradstaŭnikami miascovych orhanaŭ ułady pytańni, što tyčacca zachavańnia ahulnaj histaryčnaj i kulturnaj spadčyny časoŭ VKŁ.
Z kiraŭnikom biełaruskaha MZS litoŭski ministr taksama maje namier abmierkavać pytańni dvuchbakovaha palityčnaha i ekanamičnaha supracoŭnictva, pierśpiektyvy dyjałohu pamiž Biełaruśsiu i Jeŭrasajuzam.
