Urad Biełarusi zabaraniŭ handal lekami praź interniet‑mahaziny.
Zhodna z pastanovaj Saŭmina № 1091 ad 19 žniŭnia, tekst jakoj raźmieščany na Nacyjanalnym pravavym interniet‑partale, nie dapuskajecca taksama prodaž pa ŭzorach pa‑za handlovym abjektam vyrabaŭ z kaštoŭnych mietałaŭ i kaštoŭnych kamianioŭ; piratechničnych vyrabaŭ; bijałahična aktyŭnych dabavak da ježy, jakija padlahajuć realizacyi tolki praz apteki; vieterynarnych srodkaŭ; zbroi i patronaŭ da jaje.
Roźničny handal pa ŭzorach pa‑za handlovym abjektam chutkapsavalnymi charčovymi tavarami i kulinarnaj pradukcyjaj dapuskajecca pry najaŭnaści ŭ pradaŭca handlovaha abjekta, u jakim ažyćciaŭlajecca realizacyja takich tavaraŭ.
U adpaviednaści z praviłami, roźničny handal pa ŭzorach ažyćciaŭlajecca: u handlovym abjekcie — šlacham demanstracyi ŭzoraŭ tavaraŭ i (abo) apisańniaŭ tavaraŭ, jakija ŭtrymlivajucca ŭ katałohach, praśpiektach, rekłamie, bukletach abo pradstaŭlenych u fatahrafijach abo inšych infarmacyjnych krynicach, u handlovych abjektach (dalej — handal pa ŭzorach u handlovym abjekcie); pa‑za handlovym abjektam — z dapamohaj pradastaŭleńnia apisańniaŭ tavaraŭ, što ŭtrymlivajucca ŭ katałohach, praśpiektach, rekłamie, bukletach abo pradstaŭlenych u fatahrafijach ci inšych i infarmacyjnych krynicach, što rassyłajucca pradaŭcom niavyznačanamu kołu asob z vykarystańniem pasłuh arhanizacyj paštovaj suviazi abo raspaŭsiudžvajucca ŭ srodkach masavaj infarmacyi abo lubymi inšymi sposabami, nie zabaronienymi zakanadaŭstvam, u tym liku praź interniet‑mahazin.
Raniej byŭ zaćvierdžany śpis tavaraŭ, roźničny handal jakimi pa ŭzorach pa‑za handlovym abjektam dapuskaŭsia pry najaŭnaści ŭ pradaŭca handlovaha abjekta, dzie ažyćciaŭlałasia ich realizacyja. U jaho ŭvachodzili vyraby z kaštoŭnych mietałaŭ i kaštoŭnych kamianioŭ, piratechničnyja vyraby, lekavyja srodki, zbroja i patrony da jaje, chutkapsavalnyja charčovyja tavary, kulinarnaja pradukcyja, eratyčnaja pradukcyja, pradukcyja, jakaja ŭtrymlivała elemienty erotyki, nasilla i žorstkaści, pradukcyja pa sieksualnaj adukacyi i pałavym vychavańni, pradukcyja sieksualnaha pryznačeńnia, aŭdyjovizualnyja tvory ź indeksami ** i ***. Pastanovaj №1091 hety pieralik admienieny.
Pastanova ŭstupić u siłu praz 10 dzion paśla aficyjnaha apublikavańnia.
