U minułyja vychadnyja ŭ Biełarusi zarehistravany 44 darožna‑transpartnyja zdareńni z paciarpiełymi, u vyniku jakich 14 čałaviek zahinuli (u tym liku troje dziaciej) i 44 atrymali ranieńni. Pra heta paviedamili va ŭpraŭleńni Dziaržaŭtainśpiekcyi MUS.
22 žniŭnia ŭ 21.30 pablizu vioski Buda‑Lelčyckaja Lelčyckaha rajona Homielskaj vobłaści 53‑hadovy žychar Homiela, kirujučy «Sitrajenam», źbiŭ 8‑hadovaha chłopčyka, jaki jechaŭ u spadarožnym napramku na viełasipiedzie pa krai prajeznaj častki. Ad atrymanych traŭmaŭ jon pamior na miescy. Dzicia nie było abaznačana śviatłoadbiŭnymi elemientami.
23 žniŭnia ŭ 14.20 u Lachavickim rajonie Bresckaj vobłaści zahinuła 4‑hadovaje dzicia ź Minska. Jano raptoŭna vybiehła na prajeznuju častku z‑za aŭtamabila, što stajaŭ na ŭzbočynie, i trapiła pad koły «Aŭdzi», jakoj kiravaŭ 28‑hadovy žychar Baranavičaŭ. Ad atrymanych traŭmaŭ chłopčyk pamior u balnicy.
U Łuninieckim rajonie Bresckaj vobłaści 23 žniŭnia ŭ 16.30 11‑hadovaja dziaŭčynka ŭpała ź viełasipieda pad koły «Aŭdzi», jakaja rabiła abhon. Joju kiravaŭ 39‑hadovy mužčyna. Pa darozie ŭ balnicu dzicia pamierła.
