Jon pastupiŭ u tamtejšy Techničny ŭniversytet.
Źmicier Žaleźničenka zdaŭ u Kijevie test na viedańnie anhielskaj movaj. Navučacca Źmicier budzie pa‑anhielsku, tamu testavańnie było apošniaj umovaj zaličeńnia jaho ŭ niderłandski ŭniviersitet.
Žaleźničenku, absalutnaha vydatnika, vyklučyli z Homielskaha univiersitetu za ŭdzieł u hramadskaj i palityčnaj dziejnaści. Čym pazbavili zakonnaha prava na adterminoŭku ad vajskovaj słužby da skančeńnia adukacyi. Pravaabaroncy pryznali matyvy vyklučeńnia absalutna palityčnymi. Tady ŭklučyŭsia miechanizm «mižnarodnaj salidarnaści pracoŭnych».
Źmitrok vučyŭsia ŭ Homieli na prahramista. Zaraz jon praciahnie adukacyju pa toj ža śpiecyjalnaści.
Źmicier nabraŭ na teście 7,5 bała z mahčymych 9, a dla navučańnia dosyć było atrymać 6 bałaŭ.
Paśla vučoby Dzima ćviorda choča viarnucca ŭ Biełaruś.
Usiaho na siońnia ŭ krainach ES i ZŠA navučajecca niekalki tysiač studentaŭ ź Biełarusi. U tym liku niekalki socień tych, chto paciarpieli za svaje palityčnyja pohlady.Takoj kolkaści studyjozusaŭ za zachodniaj miažoj naša kraina nie mieła navat u časy Skaryny. Jaki taksama skončyŭ prestyžnyja alma mater u Krakavie i Padui.
0
0
0
0
0
0
