Burackija łamy prapanavali rasijskamu prezidentu stać božyščam svajho panteonu.
Miadźviedzieŭ zmahajecca za prychilnaść šmatlikich nacyjanalnych mienšaściaŭ Rasii.
Biełaja Tara — pašanoŭnaje budysckaje božyšča. U jaho siem vačej, treciaje voka — u iłbie i pa dadatkovamu voku na dałoniach i ŭ stupakach. Łamy płanavali pasadzić rasijskaha kiraŭnika, jaki znachodzicca ź vizitam u Buracii, na tron «Biełaha Cara», što źjaŭlajecca znakam Biełaj Tary na ziamli.
Cyrymonija ŭstalavałasia ŭ časy kiravańnia Kaciaryny II, jakaja ŭ 1764 hodzie pryznała budyzm adnoj ź dziaržaŭnych relihij Rasijskaj Impieryi. Sa svajho boku, budysckija śviatary nazvali impieratrycu ŭvasableńniem budysckaj bahini. Z taho času ŭsie chamba-łamy prynosili admysłovuju prysiahu «Biełamu caru», a padčas asabistaj sustrečy — lažali płastom pierad im.
Łamy źbiralisia adnavić tradycyju, jakaja abarvałasia ŭ saviecki čas.
Miadźviedzieŭ liślivuju prapanovu burackich łamaŭ adchiliŭ. Ale na sustrečy ŭ Ivałhinskim manastyry vyhladaŭ całkam ščaślivym.
Z Buracii prezident Rasii pierajechaŭ u Manholiju. Tam jaho čakajuć składanyja pieramovy z novym kiraŭnictvam krainy, jakoje choča prymusić rasijskija syravinnyja kampanii, što pracujuć tam, dzialicca svaimi prybytkami.
