Śpiektakl «OBŁOM.OFF»
Raniej paviedamlałasia, što dva biełaruskija teatry prymuć udzieł u anłajn-fiestyvali ŭ «ŁNR». Babrujski ŭ vyniku adklikaŭ svaju zajaŭku. Śpiektakl Mahiloŭskaha abłasnoha dramteatra byŭ pakazany na jutub-kanale fiestyvalu.
Čytačka «Našaj Nivy» patelefanavała namieśniku dyrektara teatra Andreju Halenku, kab pacikavicca, ci padtrymlivaje kalektyŭ vajnu i čamu mastactva ŭ hetym vypadku nie zastałosia pa-za palitykaj.
Toj pačaŭ adchryščyvacca ad łuhanskaha fiestyvalu.
«Chaciełasia b daviedacca, dzie vy pra heta pračytali. Kali krynica nieaficyjnaja (navina była na sajcie Ministerstva kultury, sportu i moładzi «ŁNR». — «NN»), to nie fakt, što tak i było. Teatr na hastroli ŭ Łuhansk nie źbirajecca. Mała što i dzie napisana.
My nie padtrymlivajem, viadoma, vajnu. Jak my možam jaje padtrymlivać? Voś rastłumačcie. Lubaja vajna — heta žyćci ludziej.
Voś, naprykład, apošniaja vajna, samaja strašnaja, jakaja była na našaj terytoryi. Ja nie pamiataju, kab Hitlera sustrakali z płakatami «My suprać vajny». Vajavali ž. A kali ŭ nas, naprykład, za niekalki kiłamietraŭ ad Bresta i Hrodna nataŭskija hrupoŭki, vajskoŭcy, adpracoŭvajuć nastupalnyja dziejańni, vy dumajecie, što jany za mir ci za vajnu?» — pačaŭ Halenka pierakazvać naratyvy prapahandy i supiarečyć sam sabie.
Dalej byli słovy pra toje, što vajna pačałasia jašče ŭ 2014-m i harady bambiać sami ŭkraincy.
«Nichto terytoryju Biełarusi dla vajny nie vykarystoŭvaje. I vielmi dobra było b žyć u miry, kali b našy susiedzi taksama da hetaha imknulisia.
Vy dumajecie, što tyja tanki, jakija Polšča zakuplaje, jany navošta? Kab stajać u akopach na polskaj terytoryi ci kab jechać na našu terytoryju? Vy padumajcie,
— paŭtaraje namieśnik dyrektara rytoryku dziaržTB. — Ukraincy padzialilisia na roznych ludziej. Jość siarod ich nacysty, jakija nie ŭtojvajuć hetaha. Jany sa svastykaj, i Hitler u ich u kabinietach visić. Jość tyja, chto ŭ akopie siadzić. Jość ukraincy, jakim snarad u kvateru prylacieŭ. Jość roznyja ŭkraincy. Nielha adnym słovam usich vyraŭniać. Heta našy braty, chto budzie vystupać za toje, kab brat brata zabivaŭ?»
A paśla Halenka zajaviŭ, što hastroli teatra — nie sprava hledačoŭ.
«Pasłuchajcie, nakont udziełu teatra ŭ fiestyvali «ŁNR» — vy zadajacie pytańni, jakija vas naohuł nie datyčacca.
Jakija śpiektakli stavić, jak pryciahvać hledača, jak zarablać hrošy — heta datyčycca teatralnaj palityki. Pra dziejnaść našaha teatra aficyjnuju infarmacyju možna atrymać na sajcie, u našych sacyjalnych sietkach. Dajcie nam mahčymaść samim vyrašać.
My adkazvajem za teatr, jaho raźvićcio, za toje, kab byli hrošy na aciapleńnie. Heta składany miechanizm. My sami vyrašym, jak nam zarablać hrošy i kudy jeździć na hastroli», — skazaŭ jon.
Na sajcie Łuhanskaha miascovaha teatra ŭkazana, što kalektyŭ Mahiloŭskaha dramatyčnaha teatra byŭ ŭznaharodžany dypłomam za ŭdzieł u fiestyvali sa śpiektaklem «OBŁOM.OFF».
Čytajcie taksama:
Mastak, što zładziŭ pierfomans u Vieniecyi: Tłumačyć sens akcyi — heta toje ž samaje, što pierakazvać vierš svaimi słovami
Hetaha 19-hadovaha mastaka z Hrodna zatrymlivali razam ź Cichanoŭskim. Što ź im ciapier?
