Kałaž: dorbox.by
Układvać hrošy ŭ budaŭnictva novaha maršrutu ŭ viedamstvie ličać u tych abstavinach, jakija skłalisia, niemetazhodnym.
«Kali my havorym pra aeraekspres, to hetaja tema bolš pra hrošy. Nichto nie budzie ŭkładvać hrošy ŭ toj prajekt, jaki niemetazhodny. U ciapierašni čas jaho realizacyja ŭ suviazi z hetymi ŭmovami trochi prypynienaja», — skazaŭ Arciom Sikorski.
Prajekt, zhodna ź jakim chutkasnaja elektryčka za paŭhadziny pavinna była davozić pasažyraŭ z aeraporta ŭ centr Minska, pačali raspracoŭvać niekalki hadoŭ tamu. U 2019 hodzie budaŭnictva maršrutu aceńvałasia ŭ sumu ad 150 młn dalaraŭ.
Biełaruskija ŭłady płanavali pryciahnuć na jaho finansavańnie srodki Jeŭrapiejskaha banka rekanstrukcyi i raźvićcia i Suśvietnaha banka. Adnak ź niadaŭnich časoŭ mižnarodnyja fondy admovilisia supracoŭničać ź Biełaruśsiu.
Zatoje kiraŭnik avijacyjnaha departamienta adznačyŭ, što ciapier praciahvajecca raspracoŭka inšaha prajekta — madernizacyi aeravakzalnaha kompleksu. Pavodle zadumki prajekciroŭščykaŭ, pavinna być realizavanaja kancepcyja «suchija nohi» — kab u budučyni pasažyry elektryčki mahli kamfortna prajści da stojek rehistracyi dla afarmleńnia i nastupnaha vyletu.
