Žłobinski «Mietałurh» druhi raz u historyi staŭ čempijonam Biełarusi. Fota: hockey.by

Žłobinski «Mietałurh» druhi raz u historyi staŭ čempijonam Biełarusi. Fota: hockey.by

Cikava, što supierniki ciaham rehularnaha pieršynstva ažno tuzin razoŭ zychodzilisia da barjera, adnak macniejšaha nie vyjavili. Taki ž parytet ustalavaŭsia ciaham finalnaj sieryi, što była ŭdvaja karaciejšaj. Tamu ladovy dvuboj u «Minsk-Arenie» pavinien byŭ kančatkova vyśvietlić, chto ž z supiernikaŭ bolš varty charaktarystyki «lepšaja kamanda krainy».

Staličny kłub vyhladaŭ hiehiemonam pierad siezonam, bo z rozyhryša-2018/19 nichto nie moh skinuć jaho z trona. Fota: hockey.by

Staličny kłub vyhladaŭ hiehiemonam pierad siezonam, bo z rozyhryša-2018/19 nichto nie moh skinuć jaho z trona. Fota: hockey.by

Pośpiechu damahlisia chakieisty Žłobina, dla jakich tytuł staŭ druhim u historyi. I heta sapraŭdnaja padzieja, bo «vaŭki» adužali absalutnaha lidara suvierennaha ajčynnaha chakieju — na rachunku «Junactva» ažno dzieviać čempijonskich baneraŭ. Staličny kłub vyhladaŭ paŭnavartasnym hiehiemonam pierad pačatkam siezona, bo z rozyhryša-2018/19 nichto nie moh skinuć jaho z trona. Adnak dubl forvarda Kuźniacova dy hoł kapitana Sałamonava prynios Žłobinu «suchuju» pieramohu ŭ paniadziełak dy viktoryju ŭ płej-of całkam.

«Vaŭki» adužali absalutnaha lidara suvierennaha ajčynnaha chakieju — na rachunku «Junactva» ažno dzieviać čempijonskich baneraŭ. Fota: hockey.by

«Vaŭki» adužali absalutnaha lidara suvierennaha ajčynnaha chakieju — na rachunku «Junactva» ažno dzieviać čempijonskich baneraŭ. Fota: hockey.by

Dadamo, što finalnaja sieryja raściahnułasia na maksimalnuju kolkaść hulniaŭ treci raz u historyi. I ŭpieršyniu z 2010 hoda vyrašalny boj adbyŭsia na «Minsk-Arenie». Tady, darečy, «Junactva» zdoleła skaryć salihorski «Šachcior». Zaraz ža kryŭdu zaznała sama kamanda Jaŭhiena Jesavułava. I, u niemałaj stupieni, z-za padtrymki fan-bazy «Mietałurha»:

ažno 17 aŭtobusaŭ sa žłobinskimi zaŭziatarami nie tolki matyvavali «vaŭkoŭ» na tryumf, ale i da nacyjanalnaha rekordu spryčynilisia. Sabranyja 15 086 hledačoŭ na trybunach — rekord čempijanataŭ Biełarusi.

Dadamo, što na hulniu naviedaŭsia Alaksandr Łukašenka razam z synami. Jon doŭhi čas padtrymlivaŭ «Junactva» ŭ časy kiravańnia kłubam Michaiła Zacharava, zaraz naŭrad ci zastaŭsia zadavoleny vynikam. Adnak naprykancy viečara źjaviŭsia na lodzie, kab uručyć pieramožcam čempijonski trafiej.

Клас
8
Панылы сорам
7
Ха-ха
4
Ого
1
Сумна
0
Абуральна
0