Pieršy enierhabłok BiełAES vyviedzieny ŭ płanava-papieradžalny ramont. Takija płanavyja technałahičnyja raboty štohod pravodziacca na atamnych stancyjach dla zabieśpiačeńnia stabilnaha pracoŭnaha stanu abstalavańnia, śćviardžaje Minenierha.
Płanujecca, što na BiełAES adramantujuć abstalavańnie reaktarnaj ustanoŭki, u tym liku parahienieratary, kampiensatar cisku, hałoŭnyja cyrkulacyjnyja pompy i turbahienieratary, a taksama praviaduć kantrol mietału i dyjahnostyku zvarnych złučeńniaŭ abstalavańnia reaktara i trubapravodaŭ sistem, važnych dla biaśpieki enierhabłoka. Taksama častkova pierazahruziać u reaktar śviežaje jadziernaje paliva.
Pieršy enierhabłok Biełaruskaj atamnaj elektrastancyi byŭ uviedzieny ŭ pramysłovuju ekspłuatacyju 10 červienia 2021 hoda. Da abjadnanaj enierhasistemy krainy jaho padklučyli 3 listapada 2020 hoda.
Z taho momantu BiełAES vypracavała 9,3 młrd kVtč elektraenierhii, ale za ŭvieś hety čas jaje nieadnarazova adklučali ad sietki. Usiaho prastoju nabiehła na 173 dni, abo 45,5% ad usiaho času pracy stancyi.
