Fota: pixabay.com

Fota: pixabay.com

Ciapier daśledčyki aktyŭna vyvučajuć pieraryvistaje haładańnie — schiemu, zhodna ź jakoj čałaviek jeść tolki na pramiežku vaśmi hadzin za dzień. Ëść padstavy mierkavać, što schiema charčavańnia, pry jakoj čałaviek bolš čym pałovu sutak pravodzić bieź ježy, daje mahčymaść adpačyć našaj stravavalnaj sistemie, piša VVS.

Ale kali takaja praktyka sapraŭdy karysnaja dla zdaroŭja, kolki ž razoŭ na dzień treba charčavacca ŭ ideale?

Niekatoryja ekśpierty ličać, što najlepš jeści tolki raz na dzień. Heta taja schiema charčavańnia, jakoj čałaviectva prytrymlivałasia na praciahu tysiačahoddziaŭ. Naprykład, staražytnyja rymlanie spažyvali ježu tolki raz na dzień, u siaredzinie dnia.

Ciapier my charčujemsia čaściej, ale, mahčyma, heta bolš źviazana nie ź idealnymi patrabavańniami našaha arhanizma, a z dastupnaściu ježy. U nas jość chaładzilniki dy supiermarkiety — u staražytnych rymlan takoha nie było.

I nie kaniečnie vy budziecie pakutavać ad hoładu, kali piarojdziecie na takuju schiemu, bo pačuccie hoładu — heta tolki psichałahičnaje adčuvańnie, źviazanaje z tym, što nadyšoŭ zvykły čas pryjomu ježy.

Ale ž taki varyjant charčavańnia dakładna nie padydzie ludziam z dyjabietam. Bolš za toje, kali jeści tolki raz na dzień, heta moža spryjać skačkam uzroŭniu hlukozy ŭ kryvi. Vysoki ŭzrovień hlukozy ŭ kryvi, źviazany z adsutnaściu ježy — faktar ryzyki cukrovaha dyjabietu druhoha typu.

Voś čamu lepš usio-taki jeści dva ci try razy na dzień, pryčym bolšuju častku kałoryj varta spažyvać nie ŭviečary, a ŭdzień. Vučonyja źviazvajuć zvyčku zašmat jeści na noč z raźvićciom kardyjomietabaličnych chvarobaŭ — takich, naprykład, jak dyjabiet ci chvaroby serca.

Ale ž jeści zanadta rana ŭranku taksama nie varta, lepš dać stravavalnaj sistemie troški bolš času, kab adpačyć. Bolš za toje, jak tolki my pračynajemsia, u našym arhaniźmie ŭsio jašče zanadta vysoki ŭzrovień miełataninu, i kali spažyvać u hety čas ježu, my atrymajem sapraŭdy vysoki ŭzrovień hlukozy ŭ kryvi. Tamu, zhodna ź niekatorymi daśledavańniami, lepiej za ŭsio hadzinu ci dźvie paśla abudžeńnia pazajmacca čymści, i tolki paśla hetaha śniedać.

Takim čynam, voś što my majem: lepiej za ŭsio jeści dva ci try razy na dzień, davać stravavalnaj sistemie dastatkova času, kab adpačyć nočču, nie jeści zanadta rana ranicaj i zanadta pozna ŭviečary.

Ale jakija b źmieny ŭ režymie vy nie rabili, samaje važnaje — heta pastajanstva, bo naša cieła pryzvyčajvajecca da režymu charčavańnia. Arhanizm źbiraje infarmacyju pra toje, jakuju ježu i kali my ŭžyvajem, i prystasoŭvajecca da takoha rytmu.

«Našu Nivu» finansujuć jaje čytačy — padtrymać prosta

Čytać taksama:

Jak treba charčavacca, kab pravilna stareć

Recept na vychadnyja. Francuzski cybulny sup — kłasika, pierad jakoj niemahčyma ŭstajać

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?