Miarkujučy pa apošnich publikacyjach u sacsietkach, Eduard H. byŭ zatrymany ŭ pačatku leta minułaha hoda, kali pavinien byŭ zdavać vypusknyja ekzamieny ŭ adnoj z VNU Viciebska. Adnak, ab jaho zatrymańni nie paviedamlałasia ŭ ŚMI.
Pra maładoha čałavieka navat niekalki razoŭ pisała «Biełaruś Siehodnia». Jon udzielničaŭ u prafsajuznym žyćci VNU, vałancioryŭ na «Słavianskim bazary», chadziŭ chrosnymi chadami pa Viciebsku i navat atrymaŭ hramatu na alimpijadzie pa duchoŭna-maralnaj kultury «Ruś Śviataja, zachoŭvaj vieru pravasłaŭnuju».
Zaraz ža jamu vystaŭlenyja abvinavačvańni ŭ vyrabie i raspaŭsiudzie porna (častka 2 artykuła 343 KK), u vyrabie i raspaŭsiudzie porna z udziełam niepaŭnaletnich (častka 2 artykuła 343-1 KK), u vyrabie i raspaŭsiudzie porna z udziełam małaletnich (častka 3 artykuła 343-1 KK), a taksama ŭ raspusnych dziejańniach, učynienych u dačynieńni da małaletniaha (častka 2 artykuła 168 KK) i seksualnym hvałcie ŭ dačynieńni da małaletnich (častka 3 artykuła 167 KK).
Pavodle samych surovych sankcyj adnaho z hetych artykułaŭ praduhledžana pazbaŭleńnie voli na termin ad 8 da 15 hadoŭ.
Kryminalnaja sprava razhladajecca sudom Kastryčnickaha rajona Viciebska, pasiadžeńni prachodziać u zakrytym režymie.
