Alena Hnaŭk — piensijanierka z Bresta, asudžanaja na try hady abmiežavańnia voli biez nakiravańnia ŭ PUAT sumarna pavodle «karahodnaj» spravy ŭ Bieraści i za abrazu Alaksandra Łukašenki.
Užo na «chatniaj chimii» jaje znoŭ zatrymali i źmiaścili ŭ SIZA. Ciapier Hnaŭk abvinavačvajuć pa dvuch artykułach Kryminalnaha kodeksa Biełarusi — 367 («Paklop u dačynieńni da prezidenta Biełarusi») i 369-1 («Dyskredytacyja Respubliki Biełaruś»).
Zhodna z materyjałami spravy, Hnaŭk 23 listapada 2021 hoda raźmiaściła ŭ sacyjalnych sietkach Facebook i Instagram «zahadzia iłžyvyja źviestki ab pravavym stanoviščy zamiežnych hramadzian u Respublicy Biełaruś, što było nakiravana na pryčynieńnie istotnaj škody dziaržaŭnym intaresam». U pastach Alena raspaviadała pra kurdskija siemji i stanovišča mihrantaŭ u Biełarusi.
Piensijaniercy pahražaje da šaści hadoŭ pazbaŭleńnia voli.
