Viktar Orban sa svaim charvackim kaleham Andrejem Plenkavičam
Viktar Orban zajaviŭ, što naftavaje embarha budzie mieć dla ekanomiki Vienhryi «efiekt jadziernaj bomby». Pry hetym jon skazaŭ, što prapanovy Brusiela nie ŭličvajuć taho, što Vienhryja moža atrymlivać naftu tolki ci praz naziemny naftapravod z Rasii, ci z poŭdnia, ale dla hetaha treba było b, kab Charvatyja pavialičyła mahutnaści.
«Tyja, chto majuć vychad da mora i party, mohuć dastaŭlać naftu na tankierach. Kali b jany nie adabrali ich (party) u nas, u nas taksama byŭ by port», — skazaŭ Orban, namiakajučy na port Ryjeka, što ciapier znachodzicca na terytoryi Charvatyi.
Da źmieny miežaŭ jeŭrapiejskich krain pa vynikach Pieršaj suśvietnaj vajny Vienhryja kantralavała častku ŭźbiarežža Adryjatyčnaha mora, dzie Ryjeka tady była klučavym portam. Ale pa Tryjanonskoj mirnaj damovie 1920 hoda Vienhryja straciła dźvie traciny svajoj terytoryi.
Charvackija ŭłady paśla hetaj zajavy vyklikali pasła Vienhryi.
«Charvatyja asudžaje zajavu premjera Vienhryi Viktara Orbana. My taksama asudžajem lubyja terytaryjalnyja pretenzii da suvierennych dziaržaŭ», — zajavili ŭ MZS Charvatyi, adznačyŭšy, što vyklikali ambasadara dla tłumačeńniaŭ, što takija ŭčynki škodziać dobrasusiedskim adnosinam.
Heta nie pieršy padobny vypadak pamiž krainami. Dva hady tamu napružańnie pamiž Zahrabam i Budapieštam spravakavaŭ vienhierski pomnik da 100-hodździa Tryjanonskaj mirnaj damovy, na jakim adlustravali kartu byłych vienhierskich terytoryj-z častkami sučasnych Aŭstryi, Słavienii, Słavakii, Rumynii, Ukrainy i Charvatyi.
