Vyniki adnaho z rasijskich abstrełaŭ Charkava. Fota Andreja Maryjenki
Mer Charkava padkreśliŭ, što vorahu tolki adnojčy ŭdałosia zaniać nievialikuju častku horada, i prabyŭ jon tam niadoŭha. Piać dzion tamu akupanty ŭ apošni raz zapuścili rakietu ŭ rajon charkaŭskaha aeraporta, adnak jana była źbitaja siłami SPA Ukrainy.
«Ruskija viali pastajannyja artabstreły Charkava, pakolki stajali vielmi blizka ad horada. I dziakujučy namahańniam charkaŭskaj terabarony i USU rasijanie adyšli daloka ad terytoryi horada ŭ napramku rasijskaj miažy», — zajaviŭ Cierachaŭ.
Pavodle jaho słoŭ, ciapier u horadzie cicha i ludzi pastupova viartajucca nazad. U toj ža čas u vyniku rasijskaj ahresii mnohija žyłyja budynki razburanyja abo paškodžanyja, tamu ŭ budučyni pryjdziecca pravodzić vialikuju rekanstrukcyju, dadaŭ jon.
Paviedamleńni ab advodzie vojskaŭ RF ad Charkava pastupali raniej i ad inšych krynic. Pa dadzienych Hienštaba USU, siły voraha skancentravanyja na ŭtrymańni zaniatych pazicyj i maršrutaŭ zabieśpiačeńnia na Charkaŭskim kirunku. Asnoŭnaja meta — ustalavańnie poŭnaha kantrolu nad terytoryjaj Danieckaj, Łuhanskaj i Chiersonskaj abłaściej.
Žurnalisty haziety The New York Times pišuć, što paražeńnie pad Charkavam — heta druhoje bujnoje paražeńnie ruskaj armii paśla jaje adstupleńnia z-pad Kijeva ŭ minułym miesiacy.
