Fota pixabay.com
Raniej u Minekanomiki, prahnazujučy padzieńnie VUP u studzieni-krasaviku na ŭzroŭni 2%, adznačali, što važki admoŭny ŭkład unosiać tyja haliny, jakija trapili pad upłyŭ sankcyj. U pramysłovaści tradycyjna «plusujuć» vytvorčaść praduktaŭ charčavańnia, transpartnych srodkaŭ, drevaapracoŭka, farmaceŭtyka, elektronika i inšyja śfiery, paviedamlaje Zerkalo.io.
U minułym hodzie VUP pavialičyŭsia na 2,3%. Na 2022 hod byŭ zapłanavany jaho rost na 2,9% 2021-ha. Heta praduhledžana prahnozam sacyjalna-ekanamičnaha raźvićcia krainy na hety hod. Adnak płan ahučvaŭsia ŭ kancy minułaha hoda, da pačatku vajny va Ukrainie i novych sankcyj suprać biełaruskich uładaŭ z boku zachodnich krain. Pry hetym čynoŭniki jašče ŭ minułym hodzie prahnazavali padzieńnie VUP, niahledziačy na abvieščanyja prahnozy pa jaho roście.
Suśvietny bank u krasaviku abnaviŭ prahnoz pa VUP Biełarusi. Pavodle novaj acenki, u hetym hodzie jon upadzie na 6,5%, ekspart pamienšycca na 14,2%, a impart — na 18,6%.
