Niekatoryja biełarusy i rasijanie nie suprać vystupać pad hetym ściaham. Fota: Fejsbuk
Pryčyna takoha žadańnia — na pavierchni. U suviazi z udziełam abiedźviuch krain u ahresii suprać Ukrainy biełarusy i rasijanie adchilenyja ad bolšaści mižnarodnych spabornictvaŭ. Tamu praz Kazachstan jany sprabujuć viarnucca ŭ vialiki sport.
«Z Rasii i Biełarusi prapanovy pastupajuć. Ale ŭ cełym adnosna pryjomu hetych spartsmienaŭ u našy nacyjanalnyja kamandy mahu skazać — nie, u nas jość peŭnyja mety. Pa pryjarytetnych vidach sportu, takich, jak boks, roznyja vidy baraćby, my lehijanieraŭ nie uvohule nie biarom.
A pa vidach sportu, jakija raźvityja nie tak dobra, jak pryjarytetnyja, dla lehijanieraŭ stavim peŭnyja mety — dać mahutny šturšok dla raźvićcia hetaha vidu sportu», — zajaviŭ kazachstanski čynoŭnik.
I dadaŭ, što «pakul z tych, chto choča da nas pierajści, niama spartsmienaŭ vysokaha kłasa, jakija majuć miedali alimpijad, čempijanataŭ śvietu, chto ŭžo pakazaŭ siabie na suśvietnaj arenie».
U toj ža čas Jerhalijeŭ vystupiŭ za kropkavuju naturalizacyju i zaprašeńnie zamiežnych trenieraŭ:
«Zamiežny śpiecyjalist prychodzić sa svajoj prahramaj, Našy treniery pierajmajuć u jaho dośvied, viedy. Potym užyvajuć ich u padrychtoŭcy — u svajoj trenierskaj pracy».





