U abmierkavańni prapanavali dziasiatki vyryjantaŭ — ad žartaŭlivych da vielmi miłahučnych.
Voś niekalki prykładaŭ — Sobrin' (u honar Kobryna), Arany Group (pa naźvie histaryčnaha rajona stalicy Arany), błek-mietał hurt «Kazarezy», Babrujsk Orchestra, Tsielehany, Bar-aŭ-liany (Baraŭlany).
«Iŭje. Chaj łamajuć hałavu spačatku jak napisać, a potym jak pračytać», — prapanuje adzin z tvitaran.
«Słuck. U anhlijskaj viersii hučyć intryhoŭna», — žartuje inšy. U anhlijskaj movie napisańnie nazvy horada vielmi padobnaje da słova, jakoje aznačaje dziaŭčynu lohkich pavodzin. Hety fakt viesialiŭ zamiežnych amataraŭ futboła, jakija ŭ karanavirusnym 2020-m sačyli za biełaruskimi matčami, bo jeŭrapiejskija praz pandemiju admianiali.
«Čysta fanietyčna Harodnia, Homiel, Słonim», — razvažajuć u abmierkavańni.
«Kali rok, to Biešankovičy ci Chojniki», — raić jašče adzin karystalnik Tvitara.
«Orša, ale heta bolš jak psieŭdanim humarystu pasuje», — hučyć i takoje mierkavańnie.
Chtości zhadvaje viosku z krasamoŭnaj nazvaj Papoŭščyna.
Siarod cikavych prapanoŭ — Slownim (źmienienaje napisańnie Słonima), Smarg-on, Vitebsk property, Lepel smok.
