Usie fota: vera_karetnikova / Instagram
Pra toje, što Viera Karetnikava pierajechała, stała viadoma na pačatku lutaha 2022 hoda. Tady Viera ŭ adnoj z sacsietak raspaviała, što pierajezd byŭ u pryncypie daŭno zapłanavanym, adnak «padziei apošniaha času prymusili značna paskorycca i nie žavać vatu, jak havorycca».
— Vydatny klimat, adsutnaść bujnych vytvorčaściej, absalutna ekałahičnaje miesca, čystyja pradukty, dastatkova niedarahoje žyćcio, sonca, šmat sonca, — raskazvała tady Viera. Taksama jana kanstatavała: dla taho, kab uładkavacca na novym miescy abaviazkova patrebnaja paduška biaśpieki — minimum 20-30 tysiač dalaraŭ na hod.
Zimova-viasnovy pieryjad Viera razam z mužam i dvuma synami praviała na Paŭnočnym Kipry, dzie sioleta było nie tak i ciopła.
U sacsietcy viadučaja publikuje karcinki sa svajho žyćcia: fota na fonie pryhožaj pryrody i mora.
Ale Karetnikava pryznałasia, što padrychtoŭka da pierajezdu, jon sam i praces adaptacyi na novym miescy byli nastolki stresavymi, što jana vielmi istotna papraviłasia.
‒ Ja daŭno nie pracuju tam, dzie zabaroniena mieć u profili fota takoha źmiestu, tamu chaču adkryvać maju staronku i bačyć mianie takuju! Tamu što prarabiła nasamreč vialikuju pracu nad saboj i vielmi saboj hanarusia! Kali my pierabralisia na Kipr, ja była ščaślivaja, što było choładna! I moj XXXXXL oviersajz bajkavy kaścium mianie vielmi ratavaŭ! Tamu što važyła ja 83 kiłahramy!!!:) Ja była praktyčna na miažy depresii. U lusterka hladzieć było niemahčyma. Ja była niby bočka niehatyvu, maryła nadzieć šorty ŭpieršyniu za šmat hadoŭ! — emacyjna raspaviała artystka.
Viera prykłała šmat namahańniaŭ, siły voli, źviarnułasia pa dapamohu da prafiesijnaha treniera. I damahłasia svajoj mety.
Niahledziačy na toje, što na zdymkach novaje žyćcio byłoj viadučaj BT vyhladaje jak praciahły adpačynak, Karetnikava piša, što nie varta padmanvacca.
«Nie zdaryłasia tak, što my pierajechali na ŭźbityja paduški, nakruchmalenyja praściny i na tumbačcy lažać klučy ad usich nieabchodnych nam adčynienych dźviarej. My pražyvajem zusim novaje dla nas žyćcio. Prakładvajem novuju darohu. My vučymsia žyć adzin z adnym u novych umovach. Ja b taksama chacieła viedać, jak heta — pastajanna adpačyvać. Ale tolki ŭ teoryi. Tamu što my tak nie ŭmiejem, na žal ci na ščaście:) Nas tak nie vučyli:) My starajemsia z usich sił vykrojvać čas adzin dla adnaho. I pakul heta zadača taksama nie z prostych! Ale nas vielmi ratuje sonca!
Ad sumu, ad nudy, ad zasmučeńnia! Tamu mnie i chočacca dzialicca z vami tolki hetymi malaŭničymi momantami! Ciapier dla ŭsich nas mienavita jany ŭ deficycie», — piša śpiavačka.
