Fota ilustracyjnaje
Pavodle dakumienta, 26 maja u Breście projduć kantrolna-taktyčnyja zaniatki, padčas jakich budzie adładžanaje ŭzajemadziejańnie sił śpiecyjalnych apieracyj z avijacyjaj. U pryvatnaści, u ramkach vykanańnia pastaŭlenych zadač projdzie adpracoŭka dziejańniaŭ desantnych padraździaleńniaŭ u haradskich umovach ź pieraadoleńniem vodnaj pieraškody.
Z 11.00 na ŭčastku ad Centra maładziožnaj tvorčaści da «Jeŭraopta» na Varšaŭskaj šašy vajskovaja technika pačnie farsiravać Muchaviec. Pieraadoleńnie vodnaj pieraškody budzie supravadžacca pralotam viertalotaŭ i šturmavikoŭ.
U suviazi z praviadzieńniem kantrolna-taktyčnych zaniatkaŭ u rajonie CMT budzie skancentravanaja vialikaja kolkaść vajskovaj techniki.
Paśla vykanańnia etapu ŭ horadzie, jak paviedamlajecca, «desantnyja padraździaleńni adpraviacca na palihon «Brescki» dla vyrašeńnia dalejšych zadač».
