Padstavaj dla kryminalnaj spravy stali dziejańni abvinavačanaha ŭ kastryčniku 2021 hoda. Pavodle viersii abvinavačvańnia, pasvaryŭšysia z žonkaj, mužčyna staŭ pahražać joj zabojstvam, u tym liku pahražaŭ padarvać jaje ručnoj hranataj.
Raniej MUS pisała, što barysaviec pahražaŭ žoncy hranataj z reŭnaści, ale nie ŭdakładniała, u čym kankretna zaklučaŭsia kanflikt. Padčas svarki ŭ domie znachodzilisia niepaŭnaletnija dzieci.
«Fihurant sieŭ za kuchonny stoł nasuprać žonki i pakłaŭ na stoł zaścierahalnaje kolca, skazaŭšy: «Voś kolca, a voś hranata» i zacisnuŭšy RHD u ruce. Spałochanaja žančyna patelefanavała svajmu znajomamu, toj paviedamiŭ pra zdareńnie ŭ milicyju», — pisała pres-słužba MUS.
Akramia taho, u nieŭstanoŭleny śledstvam čas mužčyna niezakonna nabyŭ 99 patronaŭ i 2 hranaty RHD-5. Paśla kupli jon zachoŭvaŭ ich u svaim haražy.
