Padalak kanstatuje, što Rasija vydatkoŭvaje vielizarnyja resursy, kab davieści śvietu hałoŭnaje: nibyta rasijanie majuć prava zabivać ukraincaŭ. I nie atrymlivać za heta paŭnavartasnaha pakarańnia. I mienavita tamu, na jahonuju dumku, prarasijskija łabisty ŭ Jeŭropie pačynajuć patrochu padymać hałavu.
«Jašče ŭčora na infarmacyjnym paradku dnia było vyklučna naftavaje embarha i rasijskija vajennyja złačynstvy. Siońnia ž peŭnyja palityčnyja vusny nam prapanujuć novuju adžendu: spynieńnie ahniu, zamarožany kanflikt i zdača častki terytoryj dziela miru. Čaho tolki nie prapanuješ, kab abaranić svaju kamfortnuju stužku ŭ sacsietkach ad drennych navin i adnavić biznes z Rasiejaj», — piša daradca Ofisa.
I niedvuchsensoŭna dy adnaznačna zajaŭlaje:
«Ukraina nie budzie ŭdzielničać u hetym abmierkavańni. My nie handlujem svaimi hramadzianami, terytoryjami abo suvierenitetam. Heta vyraznaja čyrvonaja linija».
Pavodle Padalaka:
«Ukrainskaje hramadstva zapłaciła strašnuju canu i nie dazvolić nikomu zrabić navat krok u hetym kirunku — ni adnoj uładzie i ni adnoj krainie. Luby namiok na heta z boku luboha z partnioraŭ budzie atrymlivać pryncypovuju reakcyju».
Ciapier nie moža być i havorki pra zamarožvańnie kanfliktu, bo heta prablemy nie vyrašyć: «Luboje zamarožvańnie — heta vajna, adkładzienaja ŭ časie. Bolš maštabnaja, bolš kryvavaja i bolš padrychtavanaja z boku ahresara, jaki vykanaje pracu nad pamyłkami, vyzvalić i aryštuje hienierałaŭ, a na ich miesca pastavić bajevikoŭ z vopytam siońniašniaj vajny.
My, darečy, svaju pracu nad pamyłkami taksama praviali: Ukraina zrabiła vysnovy ź minskich damoŭlenaściaŭ i tamu nie pojdzie na Minsk-3».
I jašče prablema: a što rabić z ukrainskimi biežancami, što rabić z ukrainskaj ekanomikaj?
«Z pačatku vajny pakinuli svoj dom ŭžo 13 miljonaŭ ukraincaŭ. Hetyja ludzi nie viernucca žyć na akupavanyja terytoryi abo ŭ «šeruju» zonu bajavych dziejańniaŭ. Tamu što heta ryzykoŭna. A značyć, u nas nie budzie ekanomiki.
Ci źbirajucca tyja, chto zaklikaje da zamarožvańnia vajny, pažyćciova ŭtrymlivać našych pierasialencaŭ? Jość surjoznyja sumnievy ŭ hetym.
Miljony ŭkraincaŭ apynulisia pad akupacyjaj, i my nie dazvolim nikomu handlavać ich losam, siedziačy va ŭtulnym kreśle ŭ krainie, jakaja nie vajuje».
Pry hetym ukrainski čynoŭnik nie admaŭlaje patreby pieramovaŭ, tolki padkreślivaje, što jany nie mohuć vieścisia na pucinskich umovach:
«Lubaja vajna zaviaršajecca za stałom pieramovaŭ, i hetaja nie budzie vyklučeńniem. Ale pieramovy stanuć mahčymymi tolki tady, kali baki buduć hatovyja damaŭlacca. Dla hetaha Rasii treba pačać ćviaroza aceńvać situacyju. Naŭrad ci zajavy ab sastupkach, zachavańni tvaru ci zamarožvańni kanfliktu hetamu buduć spryjać.
Nichto ŭ śviecie nie zacikaŭleny ŭ praciahłaj vajnie. Nichto nie zacikaŭleny ŭ charčovym kryzisie. Ale siońnia samy karotki šlach da zaviaršeńnia vajny — zbroja, sankcyi i finansavaja dapamoha Ukrainie.
Nie moža być bolšaha ŭdaru ŭ śpinu, čym prapanovy addać častku terytoryj, ad tych, čyje kaštoŭnaści i miežy abaraniajuć ukraincy, addajučy žyćci. Ci, moža, svaboda i demakratyja ŭžo nie vartyja taho, kab dziela ich vajavać?
Ukrainie davali ad troch dzion da niekalkich tydniaŭ. Ukraincy ž abaranili Kijeŭ, vyzvalili try vobłaści i zaviaršajuć vyzvaleńnie čaćviortaj. Siońnia tyja ž samyja ludzi prapanujuć nam padaryć Rasii ŭschod i poŭdzień. Dziakuj za paradu, ale, badaj, voźmiem dapamohu zbrojaj», — padsumavaŭ Padalak.
