Fota: myfin.by

Fota: myfin.by

— Abhruntavańnie taho, što varta zachoŭvać hrošy ŭ rublach, sapraŭdy možna znajści, — adznačaje ekśpiert, pryvodziačy kankretnyja prykłady. — Z adnaho boku, kali brać doŭhija pramiežki času, 3—5-hadovyja, za apošnija hady, to možna skazać, što na mnohich takich pramiežkach rublovyja ŭnioski buduć samymi vysokaprybytkovymi.

Ci možna, naadvarot, padabrać vielmi karotkija pramiežki, kali dziejničajuć pavyšanyja pracentnyja staŭki, jak ciapier, i rubiel umacoŭvajecca da dalara — tut taksama budzie vielizarnaja prybytkovaść. Heta i na samaj spravie tak.

Adnak abodva hetyja važkija arhumienty pierabivaje adzin — prosty, ale, jak mnie zdajecca, zabojčy:

ličyć bolš vysokuju dachodnaść biełaruskaha rubla nadziejnaj i ŭstojlivaj na budučyniu niama nijakich padstaŭ. Asabliva z ulikam taho, što mnohija ŭkładčyki aryjentujucca na dosyć ścisłyja terminy.

A kali hladzieć siońnia na pierśpiektyvu, to skazać, što budzie ź biełaruskim rublom, ź jaho kursam, vielmi składana. Kažučy ekanamičnymi terminami, jaki siońnia siarednieterminovy raŭnavažny kurs — na hetaje pytańnie adkazu praktyčna niama. Tamu što niama razumieńnia, što budzie z ekspartam kaliju, naftapraduktaŭ i inšych tavaraŭ. Skački kursu mohuć być vielmi značnymi.

Ekanamist nahadvaje, što i sami biełaruskija banki znachodziacca ŭ situacyi, nazvać jakuju dobraj nie ryzyknie navat aptymist. Mnohija finansavyja ŭstanovy krainy ŭ adkryta ciažkich umovach, i ŭ studzieni-lutym 2022-ha ŭkładčyki (u pieršuju čarhu havorka pra valutnyja ŭnioski) užo sutyknulisia z zatrymkaj vydačy hrošaj.

— Unioski ŭ biełaruskich rublach, pa idei, heta zakranie ź mienšymi šancami, — miarkuje Dźmitryj Kruk. — Ale, tym nie mienš, sumnievy adnosna ŭstojlivaści bankaŭskaj sistemy na blizkuju, siaredniuju i dalokuju pierśpiektyvy dosyć vialikija.

I jašče adzin važny momant: adnosna vysokija staŭki ciapier dziejničajuć u asnoŭnym pa biezadklikalnych depazitach, što dla mnohich ludziej aznačaje źnižeńnie svabody manieŭru i, adpaviedna, maje na ŭvazie dadatkovy ŭzrovień ryzykaŭ u kiravańni svaimi aščadžeńniami.

Asabista maja vysnova: najaŭnyja ryzyki, jakija dakładniej budzie nazvać maštabnymi pahrozami, nie kampiensujucca navat blizka toj krychu padvyšanaj prybytkovaściu, jakaja jość pa ŭnioskach u biełaruskich rublach.

Dla azartnych ludziej, chto choča adrenalinu, napeŭna, heta dobry atrakcyjon. Ale bolšaść chatnich haspadarak, pa empiryčnych acenkach ekanamistaŭ, nie vielmi schilnyja da ryzyki: ludzi addajuć pieravahu nie ryzykavać, a spać spakojna.

I z hetaha punktu hledžańnia depazit u biełaruskich rublach — nie najlepšy vybar. Va ŭsim śviecie bankaŭskija depazity simvalizujuć nadziejnaść i ŭpeŭnienaść u zaŭtrašnim dni, ale heta, na žal, nie pra nas.

— Hałoŭčanka kaža: zachoŭvać srodki lepš u toj valucie, u jakoj atrymlivaješ prybytak. Ale finansavyja analityki prytrymlivajucca inšaha mierkavańnia i rajać zachoŭvać hrošy ŭ toj valucie, u jakoj ich płanujecca vydatkoŭvać. A ludzi prosta hladziać na kurs u abmieńnikach i niervujucca. Jak usio-taki lepš dziejničać u ciapierašniaj situacyi?

— Značna bolš abhruntavanaja rekamiendacyja — u toj valucie, u jakoj vy tracicie hrošy. Ale tut važna zrabić ahavorku. Choć tracić šmat chto ŭ biełaruskich rublach, u nas isnuje realnaja dalaryzacyja. Prostymi słovami, mnohija ceny mocna pryviazanyja da dalara, i navat kali ździełka adbyvajecca ŭ rublach, upłyŭ kursu i valutnaha ekvivalentu cany vielmi vialikija.

Zvodziačy hetyja dva składniki razam, kaža ekanamist, bolš padstaŭ źbierahać hrošy ŭ toj valucie, u jakoj daminujuć vašy vydatki.

A ŭ vypadku Biełarusi za košt efiektu realnaj dalaryzacyi nielha skazać, što rubli całkam vykonvajuć hetuju rolu i źjaŭlajucca klučavoj valutaj, u jakoj adbyvajucca vydatki.

Čytajcie taksama:

Hałoŭčanka raskazaŭ, u jakoj valucie biełarusam lepš zachoŭvać źbieražeńni

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?