«Ukraina dakładna vyjhraje hetu vajnu. Pytańnie — jakoj canoju, i pytańnie času», — ckazaŭ Zialenski.
Zialenski ličyć, što całkam viarnuć akupavanyja terytoryi Ukraina naŭrad ci zmoža z dapamohaj vajennych dziejańniaŭ.
«Ja nie liču, što vajskovym šlacham my zmožam viarnuć całkam usiu našu terytoryju. Kali my vyrašym iści takim šlacham, my stracim sotni tysiač ludziej. My pavinny jak minimum viarnucca da 24 čysła i tolki paśla zmožam kazać pra abarony našaj terytoryi šlacham dypłamatyi. Ja maju na ŭvazie, što my možam vajavać z RF, ale dakładna nie da apošniaha čałavieka. Kali im usio adno — mnie nie ŭsio adno. Kali my vierniemsia na liniju 24 čysła — ja pierakanany, što Rasija siadzie za stoł pieramovaŭ», — skazaŭ Zialenski.
Jon taksama zajaviŭ, što nie bačyć sposabu dasiahnuć prahresu ŭ pieramovach, kali jany viaducca nie asabista z Uładzimiram Pucinym.
«Pytańnie ŭ tym, što niama z kim damaŭlacca. Jon adbudavaŭ takuju dziaržavu, što tam nichto ničoha nie vyrašaje. Tamu niavažna, što kaža ich ministr zamiežnych spraŭ, niavažna, što jon adpraŭlaje niejkuju pieramoŭnuju hrupu, hetyja ludzi — jany nichto, na žal», — skazaŭ Zialenski.
Na pytańnie, kali Ukraina budzie vieści pieramovy, Zialenski adkazaŭ «choć zaraz».
U razmovie 28 maja lidery Francyi i Niamieččyny zaklikali Pucina na pramy dyjałoh ź Zialenskim.
