Fota: patriarchia.ru
Udzielniki pasiadžeńnia Śviatoha Sinoda pastanavili abrać Pravialebnym Pinskim i Łuninieckim archimandryta Hieorhija (Vajtoviča), Pravialebnym Słuckim i Salihorskim ‒ ihumiena Jaŭsievija (Ciuchłova).
Archimandryt Hieorhij (Vajtovič) — kliryk Varvarynskaha žanočaha manastyra ŭ horadzie Pinsku. Ekanom Pinskaha jeparchijalnaha ŭpraŭleńnia.
Ihumien Jaŭsievij (Ciuchłoŭ) — namieśnik Jelisiejeŭskaha Łaŭryšaŭskaha mužčynskaha manastyra Navahrudskaj jeparchii. Kiravaŭ adradžeńniem staražytnaha manastyra. Pa inicyjatyvie ajca Jaŭsievija byŭ arhanizavany Dom miłasernaści, dzie raźmiaščajucca ludzi, jakija majuć patrebu ŭ duchoŭnaj padtrymcy i sacyjalnaj reabilitacyi.
U 2017 hodzie ihumien Jaŭsievij staŭ łaŭreatam premii «Za duchoŭnaje adradžeńnie» za važki ŭkład u duchoŭna-maralnaje i patryjatyčnaje vychavańnie moładzi, arhanizacyju dziejnaści mužčynskaha manastyra i akazańnie dapamohi ludziam u ciažkaj žyćciovaj situacyi, a taksama asobam, jakija pakutujuć ad narkamanii i ałkahalizmu.
Čytajcie taksama:
Pamior archijepiskap Pinski Stefan. Ën byŭ adziny, chto ŭstupiŭsia za archijepiskapa Arciemija
