Pratakoł na chłopca skłali za toje, što va ŭnutranym dvoryku KDB milicyjant zachacieŭ pravieryć smartfon Dubskaha «na najaŭnaść ekstremisckich materyjałaŭ». Toj nibyta admoviŭsia i za hetuju admovu atrymaŭ sutki.
Arciom Dubski — čałaviek z daŭniaj apazicyi režymu Łukašenku, adzin ź lidaraŭ Maładoha Frontu ŭ Asipovičach u druhoj pałovie 2010-ch. Tady ž jon byŭ i palitviaźniem, adbyŭšy ŭ 2009—2010 hadach hod u kałonii za ŭdzieł u akcyjach pratestu pradprymalnikaŭ 2008 hoda i za toje, što paśla źjechaŭ z krainy, kab nie adbyvać palityčnaje pakarańnie (pieršapačatkova byŭ asudžany na 2 hady ŭmoŭna). Paśla vyzvaleńnia vyjechaŭ za miažu, z 2011 hoda žyŭ u Polščy.
Niadaŭna Dubski pryjechaŭ z Polščy ŭ Asipovičy, kab praviedać svaju siamju. 11 maja jon razam sa svajakami pajechaŭ u Minsk, dzie byłoha palitviaźnia na vychadzie z HC «Na Niamizie» zatrymali i źbili «bajcy ŭ maskach».
Źbiŭšy, jaho časova adpuścili, zahadaŭšy na druhi dzień źjavicca na dopyt. A tady ŭžo zabrali na 15 sutak.
Čytajcie taksama:
Źbity siłavikami Arciom Dubski znachodzicca na Akreścina za «raspaŭsiud ekstremisckich materyjałaŭ»
Były palitviazień Arciom Dubski nie vychodzić na suviaź paśla vykliku ŭ KDB
