Vašynhtonski Instytut vyvučeńnia vajny (ISW) u svaim štodzionnym analizie chodu kanfliktu piša, što rasijskija siły, uklučajučy čačenskija padraździaleńni, kantralujuć da 70% Sievieradaniecka, a ŭkrainskaja armija pastupova adychodzić z horada.
Ekśpierty IHS ličać, što kinuŭšy ŭsie siły na Sievieradanieck, Rasija ahaliła inšyja ŭčastki frontu i ŭ pryvatnaści stvaryła ŭmovy dla abmiežavanaha ŭkrainskaha nastupu ŭ Chiersonskaj vobłaści.
Tam ukraincy adcisnuli rasijskija vojski na ŭschod ad raki Inhulec i zaniali pasielišča Davidaŭ Brod (ukrainski Hienštab nie paviedamlaŭ ab vyzvaleńni hetaha nasielenaha punkta, ale paviedamiŭ pra rasijski avijaŭdar pa im, što kaža pra toje, što rasijskija vojski adtul vyjšli).
Vysnovy ISW šmat u čym hruntujucca na hieałakacyi videamateryjałaŭ u sacsietkach.
