Trafiej Lihi Nacyj. Fota: en.as.com
Što za Liha Nacyj?
Schiema Lihi Nacyj davoli mudrahielistaja. Jak i ŭ minułych rozyhryšach, my majem čatyry dyvizijony — A, B, C, D. Kožny dyvizijon ź pieršych troch padzieleny na čatyry hrupy, u dyvizijonie D jość tolki dźvie hrupy. Vyhladaje heta tak:
Dyvizijon A
A1: Francyja, Danija, Charvatyja, Aŭstryja.
A2: Ispanija, Partuhalija, Šviejcaryja, Čechija.
A3: Italija, Anhlija, Hiermanija, Vienhryja.
A4: Bielhija, Niderłandy, Polšča, Uels.
Dyvizijon V
B1: Ukraina, Šatłandyja, Irłandyja, Armienija.
B2: Isłandyja, Izrail, Ałbanija.
B3: Bośnija i Hiercehavina, Finlandyja, Rumynija, Čarnahoryja.
B4: Šviecyja, Narviehija, Sierbija, Słavienija.
Dyvizijon S
C1: Farerskija vyspy, Litva, Luksiemburh, Turcyja.
C2: Kipr, Kosava, Hrecyja, Paŭnočnaja Irłandyja.
C3: Kazachstan, Azierbajdžan, Biełaruś, Słavakija.
C4: Hibrałtar, Hruzija, Paŭnočnaja Makiedonija, Bałharyja.
Dyvizijon D
D1: Lichtenštejn, Andora, Małdova, Łatvija.
D2: San-Maryna, Estonija, Malta.
Unutry kožnaj z hrup projdzie kruhavy turnir. Pa jaho vynikach pieramožcy hrup u dyvizijonach B, C i D trapiać u vyšejšy słot. U svaju čarhu niaŭdačniki hrup u lihach A, V i S apynucca ŭ nižejšych dyvizijonach.
Tut i na nastupnym fota: zbornaja Biełarusi ŭ matčy Lihi Nacyj ź Luksiemburham, 12 kastryčnika 2018 hoda. Krynica: AR
Pieramožcy hrup u dyvizijonie A razyhrajuć pamiž saboj tytuł pieramožcy ŭsiaho turnira, ale ž adbudziecca heta ažno ŭ červieni 2023 hoda.
Jak ź Lihi Nacyj trapić na Jeŭra
Rozyhryš Lihi Nacyj 2022/2023 daść mahčymaść pajechać na čempijanat Jeŭropy trom kamandam — pa adnoj ad dyvizijonaŭ A, V i S. Čatyry lepšyja kamandy ad kožnaj z troch lih razyhrajuć pucioŭku na pieršynstva ŭ asobnych turnirach płej-of.
Ale ž Liha Nacyj nie admianiaje asnoŭny adbor na čempijanat Jeŭropy, praź jaki tudy mohuć trapić bolš mocnyja jeŭrapiejskija zbornyja. Kali kamanda vychodzić na pieršynstva kantynienta praz kvalifikacyju, to jaje pucioŭka tudy ž, zavajovanaja ŭ Lizie Nacyj, pierachodzić da nastupnaj pa rejtynhu Lihi Nacyj kamandy ŭ jaje dyvizijonie.
Kali ž pretendentaŭ na pucioŭku ŭ dyvizijonie nie znojdziecca, šans trapić na čempijanat atrymaje lepšaja zbornaja siarod dvuch pieramožcaŭ hrup u dyvizijonie D.
Što čakaje biełarusaŭ
U ramkach svajoj hrupy biełaruskaja zbornaja adyhraje šeść hulniaŭ:
03.06.2022. Biełaruś — Słavakija
06.06.2022. Biełaruś — Azierbajdžan
10.06.2022. Biełaruś — Kazachstan
13.06.2022. Azierbajdžan — Biełaruś
22.09.2022. Kazachstan — Biełaruś
25.09.2022. Słavakija — Biełaruś
Adna z pryvabnaściej Lihi Nacyj — toje, što hety turnir daje nie samym mocnym jeŭrapiejskim zbornym dadatkovy šans trapić na čempijanat śvietu ci (jak zaraz) na čempijanat Jeŭropy. Paśla minułaha rozyhryšu turnira biełarusy apynulisia na druhim miescy ŭ svajoj hrupie i adstali ad pieramožcy hrupy, Ałbanii, tolki na adno ačko, adpaviedna ŭpuścili šans trapić u płej-of.
Novy rozyhryš znoŭ daje biełarusam ujaŭny šans pajechać na turnir. Ale ž dla hetaha treba nie tolki pieramahčy ŭ hrupie (što samo pa sabie nie harantavana), ale i stać paśla hetaha lepšymi ŭ turniry płej-of ź inšymi kamandami dyvizijona S. Siarod ich jość mocnyja supierniki nakštałt Turcyi, Hrecyi i Paŭnočnaj Irłandyi, to-bok baraćba — kali Biełaruś atrymaje na jaje šans — čakajecca niaprostaja, i zdabytaja ŭ joj pucioŭka na turnir budzie amal što cudam.
Varta nahadać, što biełaruski futboł padychodzić da sioletniaj Lihi Nacyj va ŭmovach biesprecedentnych sankcyj, źviazanych z vajnoj va Ukrainie. Inšaja padsankcyjnaja kamanda — zbornaja Rasii — uvohule pazbaŭlenaja šansu ŭdzielničać u rozyhryšy.
Ź biełarusami čynoŭniki UEFA abyšlisia (pakul što) nie tak stroha. Kamanda maje mahčymaści hulać u Lizie Nacyj, i ad jaje nie patrabujuć niejtralnaha statusu — možna pakinuć na miescy aficyjnyja biełaruskija ściah i himn i nie źmianiać formu na adzieńnie ŭ inšych kolerach. Patrabavańnie tolki adno — nie hulać chatnija matčy ŭ Biełarusi, tamu zbornaja Hieorhija Kandraćjeva praviadzie ich u sierbskim Novi-Sadzie.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Sankcyi ŭ chakiei — vitańnie tym aptymistam u biełaruskim sporcie, chto dumaŭ, što «heta nienadoŭha»
