Siońnia ŭ balnicy prajšoŭ kansilium viadučych kambustyjołahaŭ krainy i balnicy, z udziełam ministra achovy zdaroŭja Dźmitryja Pinieviča. U pacyjenta dyjahnastavana 76% apiokaŭ skurnych pokryvaŭ ahulnaj pavierchni cieła, termainhalacyjnaja traŭma.
Hałoŭny pazaštatny kambustyjołah Ministerstva achovy zdaroŭja Alaksiej Časnojć i zahadčyk apiokavaj reanimacyi BCHMD Minska Łarysa Załatuchina vykanali ekstrannuju apieracyju — niekratamiju. Skarektavanaje lačeńnie, raspracoŭvajecca taktyka pa transparciroŭcy pacyjenta ŭ Respublikanski apiokavy centr.
Milicyjanier paciarpieŭ učora dniom u budynku rajonnaha adździeła ŭnutranych spraŭ u adnym z pracoŭnych kabinietaŭ. U pamiaškańni znachodzilisia supracoŭnik milicyi i dastaŭleny dla razboru žychar Mahilova. «Adbyłosia ŭzharańnie kanfiskavanaj majomaści z nastupnym pažaram u pamiaškańni. U vyniku mužčyna zahinuŭ, supracoŭnik špitalizavany», — paviedamlali ŭ SK.
Čytajcie taksama:
Na dopycie ŭ Škłovie mužčyna padpaliŭ siabie i supracoŭnika milicyi. Mužčyna zahinuŭ, milicyjant u reanimacyi
