Dla padrychtoŭki kancerta na praciahu piaci tydniaŭ čaćviora ŭdzielnikaŭ ABBA, jakim ciapier užo za 70, vykonvali kožnuju z 20 piesień kancerta, apranutyja ŭ śpiecyjalnyja kaściumy dla zachopu ruchu, pierad 160 kamierami, kab možna było zapisać usie ich ruchi.

Dla lepšaha kantaktu skury z datčykami ŭpieršyniu za 50 hadoŭ Bieni Andersanu i Bjornu Ulvieŭsu pryjšłosia zhalić barody.

Avatary ABBA. Malunak Industrial Light and Magic / TT

Avatary ABBA. Malunak Industrial Light and Magic / TT

Hałahramy ŭdzielnikaŭ ABBA — nie zusim tyja, što paśpieli stać zvykłymi niekatorym hledačam. Imi ŭžo nie ździviš: Tupak Šakur «vyjšaŭ» na scenu Coachella ŭ 2012 hodzie, prykładna praz 15 hadoŭ paśla jaho zabojstva, a zusim niadaŭna na scenie «źjaŭlalisia» Roj Orbisan i Uitni Chjustan.

Dla šoŭ ABBA stvaryli ličbavyja viersii ŭdzielnikaŭ hrupy: dla hetaha muzyki supracoŭničali z kamandaj z 850 čałaviek. Zvyčajnyja hałahramy nie padyšli — artysty paličyli, što technałohija jašče nie znachodzicca na naležnym uzroŭni.

Spałučeńnie ž vizualnych efiektaŭ i technałohij zdymak z zachopam ruchaŭ dało bolš realistyčny vynik.

«Hałahramy abmiažoŭvajuć śviatło, jakoje vy možacie vykarystoŭvać, i toje, jak vy ich vykarystoŭvajecie. Ja dumaju, što šoŭ Uitni Chjustan było dobrym prykładam hetaha: prosta nakłaści čužuju hałavu na cieła i zrabić jaje trochmiernaj niedastatkova», — prakamientavaŭ situacyju Bejli Uołš, dyrektar ABBA Voyage.

Patencyjał hetaj technałohii, pa dumku dyrektara šoŭ, vielizarny. Uołš taksama miarkuje, što takija bujnyja artysty, jak Madonna, Poł Makartni, The Rolling Stones abo Jay-Z, mahli b zapisać siabie ciapier dla naščadkaŭ.

Kali šou ABBA buduć paśpiachovymi, heta, vierahodna, zaachvocić bolš artystaŭ pajści za ich prykładam.

Čytajcie taksama:

«Hadoŭ praz 5-10 usiudy buduć simulacyi». Biełaruska zasnavała IT-kampaniju, jakaja stvaraje avataraŭ

Para ź Indyi zładzić viasielle ŭ Mietasuśviecie. Siarod haściej budzie i tata niaviesty, jaki pamior letaś

Клас
6
Панылы сорам
1
Ха-ха
1
Ого
0
Сумна
0
Абуральна
1