Fota: AP

Fota: AP

«Pa stanie na siońniašni dzień pad kantrolem akupantaŭ znachodzicca kala 20 pracentaŭ našaj terytoryi. Amal 125 tysiač kvadratnych kiłamietraŭ. Heta značna bolš, čym płošča ŭsich krain Bieniluksa razam uziatych», — skazaŭ Zialenski.

«Kala 300 tysiač kvadratnych kiłamietraŭ zabrudžanyja nierazarvanymi minami i snaradami», — dadaŭ jon.

Pa słovach Zialenskaha, linija frontu va Ukrainie ciapier dasiahaje tysiačy kiłamietraŭ.

«Bai praciahvajucca na vielizarnaj terytoryi ad Charkava na ŭschodzie našaj krainy da Mikałajeva na poŭdni. Pa pramoj pamiž imi — 454 kiłamietry. Ale kali pahladzieć na ŭsiu liniju frontu, a jana, viadoma, prachodzić nie pa pramoj, to heta linija daŭžynioj bolš čym u tysiaču kiłamietraŭ».

Usiaho za amal sto dzion vajny Rasija vypuściła pa Ukrainie 2478 rakiet, tolki napiaredadni, 1 červienia, Ukrainu abstralali 15 rakietami, skazaŭ Zialenski.

Jon padziakavaŭ Luksiemburhu za dapamohu zbrojaj i padtrymku sankcyj suprać Rasii, a taksama zaklikaŭ padtrymać členstva Ukrainy ŭ ES.

Клас
3
Панылы сорам
0
Ха-ха
0
Ого
1
Сумна
0
Абуральна
3