Jon padkreśliŭ, što «dalokaść zaležyć nie ad samoj sistemy, a ad rakiet, jakija vykarystoŭvajucca», i pryhraziŭ, što kali Ukraina atrymaje dalnabojnyja rakiety, to Rasija naniasie ŭdary «pa tych abjektach, pa jakich pakul nie nanosiła», paviedamlaje «Bi-bi-si».
«Heta zaležyć ad taho, jakija rakiety amierykancy pastaviać. Ale toje, što my siońnia čujem, i toje, što razumiejem, — heta rakiety, jakija jak raz na 45—70 km, u zaležnaści ad typu rakiety, laciać. Nu toje ž samaje było i z tymi «Hradami», «Urahanami», «Śmierčami», pra jakija ja skazaŭ, — tam taksama dalokaść 40—70 km. Ničoha novaha niama», — zajaviŭ Pucin.
1 červienia ZŠA paćvierdzili, što novy pakiet bojeprypasaŭ, uzbrajeńniaŭ i vajskovaj techniki dla Ukrainy ŭklučaje ŭ siabie reaktyŭnyja sistemy załpavaha ahniu HIMARS, jakija daŭno chacieli atrymać ukrainskija vajskoŭcy.
Pra kolkaść bojeprypasaŭ dla HIMARS, jakija pastaviać amierykancy, pakul ničoha nie paviedamlałasia, adnak viadoma, što heta buduć vysokadakładnyja rakiety GMLRS.
Bojeprypasy da amierykanskich RZSA dzielacca na try typy z roznaj dalokaściu paražeńnia. Pieršy — rakieta M26 z maksimalnaj dalokaściu ŭ 32 kiłamietry abo jaje palepšanaja sučasnaja viersija M26A1 z dalokaściu da 45 kiłamietraŭ. U puskavy kantejnier źmiaščajecca šeść takich rakiet.
Druhi bojeprypas — kiravanaja rakieta GMLRS z dalokaściu da 70 km. Narešcie, zamiest zvyčajnaha kantejniera z šaściu rakietami ŭ luby z dvuch błokaŭ možna źmiaścić adnu taktyčnuju rakietu ATACMS, dalokaść dziejańnia jakoj składaje 300 kiłamietraŭ.
U pastaŭki ZŠA Ukrainie apošni vid bojeprypasaŭ pakul nie ŭklučany.
