Fota DPA

Fota DPA

Sankcyi Kramla suprać byłoj daččynaj kampanii «Hazprama» ŭ Niamieččynie — Gazprom Germania, jakija praduhledžvajuć spynieńnie pastavak joj hazu, abyducca padatkapłacielščykam i spažyŭcam u 5 młrd jeŭraŭ štohod, paviedamiŭ sa spasyłkaj na svaje krynicy niamiecki štotydniovik Welt am Sonntag (WamS) uviečary ŭ subotu, 4 červienia.

Gazprom Germania paśla ŭviadzieńnia 11 maja Rasijaj sankcyj vymušanaja šukać inšych pastaŭščykoŭ. Takaja pieraaryjentacyja stvaraje vielizarnuju nahruzku na fiederalny biudžet, bo haz daviadziecca zakuplać pa bolš vysokim cenach, adznačaje WamS. Kali da rasijskaha ŭvarvańnia va Ukrainu 1 MVt·h pryrodnaha hazu abychodziŭsia Hiermanii ŭ 20-30 jeŭra, to ciapier cana vyrasła da 85. Kali jana zachavajecca, nahruzka na fiederalny biudžet składzie kala 3,5 młrd jeŭra na hod.

Dziakujučy pieraprodažu kamunalnych pradpryjemstvaŭ, urad krainy zmoža pakryć nie bolš za adnu tracinu vydatkaŭ na zakupki, i takim čynam vydatki biudžetu składuć bolš za 2 młrd jeŭra štohod. Vydatki mohuć pavialičycca jašče macniej, pakolki ceny na haz praciahvajuć raści, užo pieravysiŭšy miažu ŭ 100 jeŭra za MVt·h. Pry takoj siaredniaj canie ahulnyja vydatki pavialičacca da 4 młrd jeŭra na hod.

Inšyja surjoznyja vydatki buduć źviazanyja z zapaŭnieńniem schovišča pryrodnaha hazu ŭ Redenie (fiederalnaja ziamla Nižniaja Saksonija). Pavodle zakona, da 1 kastryčnika ŭzrovień zapaŭnieńnia pavinien skłaści 80 adsotkaŭ, a da 1 listapada — užo 90 adsotkaŭ, kab paźbiehnuć mahčymych nastupstvaŭ adklučeńnia Rasijaj pastavak hazu.

Zapaŭniać hetaje schovišča taksama budzie ŭrad — za košt fiederalnaha biudžetu. Zakupka nieabchodnych 3,1 młrd kubamietraŭ hazu abydziecca ŭ 2,5 młrd jeŭra. Va ŭrada z-za techničnych abmiežavańniaŭ niama mahčymaści čakać źnižeńnia cen: kab paśpieć zapoŭnić schoviščy da ŭstalavanaj zakonam daty, heta varta pačynać rabić užo ciapier, piša Deutsche Welle.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?