Getty Images
Vybuch adbyŭsia ŭžo paśla taho, jak sotni pažarnych prystupili da tušeńnia. Pryčyny pažaru pakul nieviadomyja, adnak ułady miarkujuć, što ŭ niekalkich kantejnierach mahli zachoŭvacca haručyja chimikaty, paviedamlaje «Bi-bi-si».
Miascovyja balnicy pierapoŭnienyja paranienymi, ułady zaklikajuć dobraachvotnikaŭ zdavać kroŭ. Častka paciarpiełych dastaŭlenaja ŭ vajskovyja špitali.
Mnohija paranienyja znachodziacca ŭ krytyčnym stanie, i miedyki aścierahajucca, što kolkaść achviar moža ŭzraści.
U niadzielu dobraachvotniki praciahvali vynosić z ruin składa cieły zahinułych. U vyniku vybuchu atrymali ranieńni prynamsi piaciora pažarnych. Siarod mnohich źnikłych bieź viestak jość niekalki žurnalistaŭ, jakija prybyli na pažar.
Vybuch byŭ takim mahutnym, što jaho było čuvać za niekalki kiłamietraŭ, a ŭ navakolnych budynkach vybiła šyby. Jak raspavioŭ žurnalistam adzin z uładalnikaŭ miascovych kram, askołak sa składa pralacieŭ bolš za paŭkiłamietra i ŭpaŭ u jaho sažałku. Pa jaho słovach, paśla vybuchu adbyŭsia sapraŭdny ahniavy doždž.
Na miescy pažaru zastalisia abharełyja kantejniery i dach składa.
U niadzielu pažarnyja ŭsio jašče zmahalisia z ahniom, a na składzie praciahvalisia nievialikija vybuchi, jakija ŭskładniali ich pracu. «My da hetaha času nie možam uziać pažar pad kantrol z-za haručych chimikataŭ», — zajaviŭ kiraŭnik pažarnaj słužby Banhładeš Main Udzin.
Na momant pažaru na składzie Sitakunda zachoŭvałasia kala 4 tys. kantejnieraŭ. Hety skład słužyć pieravałačnym punktam dla tavaraŭ, jakija prachodziać praz port druhoha pa vieličyni horada Banhładeš — Čytahonha.
Pa słovach miascovych uładaŭ, u kantejnierach było pieravažna adzieńnie na miljony dalaraŭ, pryznačanaje na ekspart u zachodnija krainy. U apošnija hady Banhładeš stała druhim pa vieličyni suśvietnym eksparcioram adzieńnia.
