U pryvatnaści, u jaho ŭklučyli dzieviać łakalnych telehram-čataŭ, try Youtube-kanały, źviazanyja z prajektam Nexta, ich staronki i materyjały ŭ Telegram, Facebook, Ukantakcie, Instagram.
Taksama «ekstremisckimi» pryznanyja sajty inicyjatyŭ By_help, Media Solidarity Belarus, BYSOL, voicesfrombelarus.com, ich materyjały ŭ sacsietkach (Telegram, Facebook, Ukantakcie, Instagram).
U pieralik uklučyli sajt «płatformy finansavańnia pieramien» digitalsolidarity.io, staronki inicyjatyvy ŭ Instagram i Facebook, mabilnuju prahramu ŭ kramach App Store i Google Play.
Akramia taho, śpis dapoŭnieny asabistymi staronkami ŭ sacyjalnych sietkach aktyvistaŭ Andreja Stryžaka, Alaksieja Lavončyka, Jarasłava Lichačeŭskaha i Alaksieja Kuźmiankova (Alexis Kendoo). U hetych vypadkach havorka idzie pra Facebook.
«Ekstremisckimi» taksama pryznanyja Telegram— i Youtube-kanały Stryžaka (suzasnavalnik By_help, BYSOL i inšych rodnasnych inicyjatyŭ).
Sud prysvoiŭ anałahičny status piersanalnym staronkam u Instagram aktyvistak Maryi Zabary i Alaksandry Źvieravaj.
Usie ludzi, čyje asabistyja staronki patrapili ŭ śpis, znachodziacca za miažoj.
