Fota: TASS

Fota: TASS

Sankcyi i vyklikanyja imi łahistyčnyja prablemy abrezali rasijskim pradpryjemstvam kala pałovy ekspartu — tolki na krainy ES i Šviejcaryju ŭ 2021 hodzie prypadała 47% ekspartu. Siarod «družalubnych» dla Rasii imparcioraŭ pieršaje miesca pa abjomach pastavak rasijskaha śvincu zajmaje Turcyja z dolaj u 7,5%, na druhim miescy Kitaj (4,2%), zamykaje trojku Sierbija (1,9%), na Biełaruś i AAE prypadaje pa 1,6%, na Tajłand 1,5%.

Usiaho ŭ 2021 hodzie Rasija adpraviła na ekspart 127,3 tysiačy ton śvincu na sumu $260,2 młn, ahulnaja dola Rasii na rynku aceńvajecca ŭ 5-6%.

Adnak jeŭrapiejski rynak adčynieny dla rasijskich kampanij da 10 lipienia — mienavita tady ŭstupaje ŭ siłu zabarona na pastaŭki mietałurhičnaj pradukcyi ź piataha pakieta sankcyj ES. Praŭda, realizavać mahčymaści kampanijam nie dazvoliŭ rasijski ŭrad, jaki ŭvioŭ śpiecyjalnyja ekspartnyja licenzii, bieź jakich pastaŭlać śviniec za miažu prosta zabaroniena. Patrabavańnie ŭviedzienaje ŭ pieryjad z 16 maja da 15 listapada 2022 hoda, ułady tłumačać zabaronu «pieraaryjentacyjaj pracy va ŭschodnim kirunku», a taksama «papiaredžańniem deficytu śvincu».

Prablema ŭ tym, što hetyja miery pryviali da niemahčymaści dla rasijskich pradpryjemstvaŭ pradać śviniec: adpravić na ekspart niemahčyma, a ŭnutranaje spažyvańnie abvaliłasia z-za kryzisu ŭ aŭtamabilnaj halinie, jakaja tradycyjna źjaŭlałasia najbujniejšym spažyŭcom śvincu. Ciapier składy kampanij pierapoŭnienyja, jany vymušanyja sychodzić u prastoj i skaračać mahutnaści. Havorka idzie pra dziasiatki zavodaŭ, siarod jakich bujnyja pradpryjemstvy — «Razćvietmiet», «Ekaruśmietał», «Frehat», «Ahraprybor» i UHMK.

Patencyjnym vychadam ź situacyi vydańnie nazyvaje naładžvańnie ŭłasnaj vytvorčaści śvincovych akumulataraŭ, asabliva z ulikam taho, što svajoj vytvorčaści ŭ krainie praktyčna niama (pavodle vynikaŭ 2021 hoda, Rasija impartavała ich na $594,3 młn), a taksama skupku mietału ŭ dziaržaŭny rezierv.

Клас
19
Панылы сорам
2
Ха-ха
12
Ого
1
Сумна
0
Абуральна
0