Jak pracuje kikšerynh (prakat samakataŭ)?

Usiaho na minskich vulicach servis vystaviŭ bolš za 2000 novych samakataŭ. Uziać i pakinuć ich možna tolki na virtualnaj parkoŭcy, paznačanaj u mabilnaj prahramie. U servisie zapeŭnivajuć, što ŭsie parkoŭki raźmieščanyja ŭ krokavaj dastupnaści adna ad adnoj i pakryvajuć nie tolki centr, ale i spalnyja rajony.

A jašče servis damoviŭsia z haradskoj administracyjaj, kab nanieści raźmietku ŭ miescach virtualnych parkovak, — tak budzie praściej ich znajści i pakinuć samakat u pravilnym miescy.

Chutkaść samakataŭ abmiežavanaja raspracoŭščykam 25 km/h. Kožnamu karystalniku pierad pieršaj pajezdkaj budzie prapanavana prajści ŭ mabilnaj prahramie navučalny instruktaž.

Taksama varta viedać, što ŭ Minsku jość zony, nie pryznačanyja dla ruchu elektrasamakataŭ — naprykład, pramysłovyja kvartały. Pry ŭjeździe ŭ zabaronienuju zonu pryłada vydaje śpiecyjalny hukavy sihnał i spyniajecca. Usie zony adznačanyja ŭ mabilnaj prahramie.

I kolki heta kaštuje?

U bazavym taryfie start pajezdki kaštuje 1 rub., chvilina — 20 kapiejek.

Košt pajezdki źmianiajecca pa ałharytmie dynamičnaha cenaŭtvareńnia — u zaležnaści ad popytu, kolkaści dastupnych samakataŭ, ich zaradu i inšych paramietraŭ. Dla tych, chto karystajecca samakatami rehularna, jość mahčymaść padpisacca na Whoosh Pass — tady nie treba budzie płacić za start pajezdki.

Dla novych karystalnikaŭ dziejničaje źnižka pa pramakodzie FIRSTRIDE, jaho treba aktyvavać da startu pajezdki.

Whoosh — čaćviorty kikšerynh, jaki pačaŭ pracu ŭ Minsku. Akramia jaho ŭ stalicy pracujuć biełaruskija Kolobike i Eleven, a taksama kazachski Jet.

Клас
10
Панылы сорам
9
Ха-ха
4
Ого
3
Сумна
0
Абуральна
6