Fota Chris Furlong
Na pytańnie Fejhina pra toje, ci možna zychodziačy z takich padlikaŭ skazać, što ŭkrainskaje vojska straciła da 10 tysiač bajcoŭ, Arastovič adkazaŭ: «Tak, niedzie tak».
U apošni raz ułady Ukrainy paviedamlali pra ahulnyja straty 16 krasavika. Tady Uładzimir Zialenski zajaviŭ, što za čas vajny zahinuła ad 2500 da 3000 ukrainskich vajskoŭcaŭ, jašče kala 10 tysiač atrymali ranieńni.
10 červienia daradca kiraŭnika ofisa prezidenta Ukrainy Michaił Padalak paviedamiŭ, što na vajnie štodnia hinuć ad 100 da 200 ukrainskich vajskoŭcaŭ.
Ministerstva abarony Rasii ŭ apošni raz paviedamlała pra straty 25 sakavika. Tady viedamstva zajaviła, što z pačatku «śpiecapieracyi» va Ukrainie zahinuŭ 1351 vajskoviec, jašče 3825 čałaviek atrymali ranieńni. Žurnalisty adznačajuć, što pa stanie na 10 červienia publična paćvierdžanaja hibiel bolš za 3500 čałaviek.
Hienštab USU aceńvaje straty Rasii ŭ 32 tysiačy čałaviek. Niezaležnyja ekśpierty nazyvajuć ličby ad 15 da 20 tysiač zabitych rasijan.
