Inicyjatyva praduhledžvaje, što vytvorcy buduć drukavać piśmovyja papiaredžańni na asobnych cyharetach, cyharach ź filtram i cyharetnych trubkach (skručanaj papiery bieź źmieściva).
Aŭtary prapanovy čakajuć, što novaja markiroŭka budzie harantavać, što paviedamleńnie ab škodzie dla zdaroŭja dojdzie da ludziej, jakija kurać u kampanii tolki pa adnoj cyharecie, jak časta robiać maładyja ludzi.
Akramia taho, kanadski ŭrad zapłanavaŭ abnavić ciapierašniuju formu papiaredžańniaŭ. Aŭtary chočuć pašyryć śpis niehatyŭnych nastupstvaŭ dla zdaroŭja, pra jakija nahadvajecca, i ŭklučyć u jaho takija chvaroby, jak rak straŭnika, kałarektalny rak, dyjabiet, zachvorvańni pieryfieryčnych sasudaŭ i rak šyjki matki.
Na dumku raspracoŭščykaŭ idei, takija źmieny praduchilać doŭhaterminovuju zaležnaść ad tytuniu, skarociać śmiarotnaść i kolkaść pacyjentaŭ z chvarobami, jakija vyklikała spažyvańnie tytuniu, a taksama źniziać nahruzku na kanadskuju sistemu achovy zdaroŭja.
