Skrynšot videa
U piatnicu, 10 červienia, čynoŭnik Hienieralnaha štaba Uzbrojenych siłaŭ Ukrainy adkryŭ ahoń u adnym sa spalnych rajonaŭ Kijeva, stvaryŭšy pahrozu dla žyćcia i zdaroŭja dziciaci. Pra heta paviedamiŭ ministr abarony Ukrainy Alaksiej Reźnikaŭ.
«Pa maim zahadzie pačata słužbovaje rasśledavańnie dla vyśviatleńnia ŭsich abstavin incydentu, kali
słužbovaja asoba Hienieralnaha štaba Uzbrojenych siłaŭ Ukrainy — kiraŭnik adnaho z upraŭleńniaŭ, ździejśniła dziejańni, jakija majuć prykmiety nie tolki dyscyplinarnaha, ale i kryminalnaha pravaparušeńnia.
Stvorana adpaviednaja kamisija na čale z namieśnikam hałoŭnakamandujučaha USU hienierał-lejtenantam Jaŭhienam Majsiukom. Na čas rasśledavańnia čynoŭnik adchileny ad vykanańnia abaviazkaŭ», — zajaviŭ Reźnikaŭ.
Ministr adznačyŭ, što ŭ vypadku pacvierdžańnia faktaŭ, što ŭ vyniku dziejańniaŭ čynoŭnika była pahroza ciažkich nastupstvaŭ, a mienavita — ryzyka dla žyćcia i zdaroŭja dziciaci, jon paniasie pakarańnie.
«Našyja vajary strymlivajuć ordy voraha, kładuć svaje žyćci, kab u mirnych haradach dzieci byli ŭ biaśpiecy, nakolki heta mahčyma padčas vajny z Rasijaj.
Kali čałaviek na vajskovaj pasadzie, majučy pahony i apranuty ŭ formu, prymianiaje svaju zbroju ŭ spalnym rajonie stalicy — budzie reakcyja. Kali byli raźliki na biespakaranaść — heta pamyłka.
Pra vyniki rasśledavańnia painfarmuju paśla jaho zakančeńnia», — adznačyŭ Reźnikaŭ.
Tym časam u Siecivie źjavilisia i videa hetaha incydentu.
