Pry atrymańni chabaru byŭ zatrymany 45-hadovy kiraŭnik adnaho z adździaleńniaŭ Biełaruskaj čyhunki, paviedamlaje pres-słužba MUS.
Mužčynu ŭziali z dokazami złačynstva pry atrymańni pakieta z hrašyma. U im było 1000 dalaraŭ i 7,3 tysiačy rubloŭ. Kiraŭnik padazravajecca ŭ atrymańni niezakonnych uznaharodžańniaŭ ad klininhavaha servisu.
«Ustanoŭlena, što słužbovaja asoba sistematyčna atrymlivała hrošy ad kiraŭnika adnoj sa staličnych klininhavych kampanij, asnoŭny kirunak jakoj — uborka čyhunačnych stancyj. Paśla pieravodu srodkaŭ na rachunak firmy za akazanyja pasłuhi častka ź ich abnajaŭnivałasia i pieradavałasia čynoŭniku», — havorycca ŭ paviedamleńni MUS.
Usiaho, pa viersii milicyi, za hod mužčyna atrymaŭ bolš za 46 tysiač rubloŭ.
