Biełaruski paviljon na VDNH
«Situacyja vakoł Biełarusi, asabliva ŭ śfiery ekanomiki, dyktuje asablivuju aktualnaść, i peŭnyja niestandartnyja patrabujucca dziejańni ŭ suviazi z hetym. Jasna, što ŭ hetaj situacyi asnoŭnym našym partnioram (jak było raniej), to tym bolš (ciapier) stała Rasijskaja Fiederacyja. I pracy na rasijskim rynku my nadajom asablivaje značeńnie. Heta ni dla kaho nie źjaŭlajecca sakretam. Tamu mabilizujucca va ŭradzie (kali nie, to pavinny) usie resursy dla taho, kab efiektyŭna dziejničać na ŭschodnim kirunku. Heta nie značyć, što my pavinny zabycca na inšyja rynki — krain, što raźvivajucca, i našy tradycyjnyja rynki, Jeŭrapiejskaha sajuza, ZŠA.
Ale pakul my nie možam tam pracavać tak efiektyŭna, jak pracavali da ŭviadzieńnia hetych pakietaŭ sankcyj. Ciapier zrazumieła — Rasiju buduć dušyć da miažy, a zaadno i nas. Kab Rasija nie zmahła abyści sankcyi praź Biełaruś. Takaja situacyja», — skazaŭ jon.
U suviazi z hetym treba raźvivać «rekłamna-vystavačnuju dziejnaść», u tym liku na bazie paviljona VDNH.
«Dla mianie, majoj pracy jon značny ŭ tym płanie, što kaliści my jašče ŭ časy Barysa Mikałajeviča Jelcyna z Nazarbajevym vielmi žorstka pastavili pytańnie pierad Rasijaj, kab VDNH była, jak u Savieckim Sajuzie, kab tam byli pradstaŭlenyja ŭsie respubliki. U tym vypadku, kali staviłasia hetaje pytańnie mnoju i Nazarbajevym, kab kožnaja postsavieckaja respublika […] Bałtyjskija krainy admovilisia ad hetaha, nu Haspodź ź imi… Kab hety VDNH byŭ pryviedzieny ŭ paradak i kožnamu byŭ paviljon. Tak my atrymali dla Biełarusi paviljon», — raskazaŭ Łukašenka.
Ciapier, pa jaho słovach, treba zrabić tak, kab paviljon byŭ prybytkovym pradpryjemstvam, a ŭ im byli pradstaŭlenyja dasiahnieńni krainy: ježa, adzieńnie i technika.
«Słuchajcie, bo mnie važna, kab heta było prybytkovaje mierapryjemstva. Ale jašče važniej, kab tam dasiahnieńni krainy byli pradstaŭlenyja.
I samyja vysokija dasiahnieńni — pradukty charčavańnia, adzieńnie, technika ci jašče niešta, pradavalisia praz VDNH, praz naš paviljon. Mnie kažuć: viedajecie, heta nie prystasavanaje dla hetaha. Słuchajcie, mnie ŭsio roŭna, dla čaho prystasavanaje. Ale heta ŭ sercy vieličeznaj Rasii. Krama, možna skazać. Vy ž ciapier handlujecie tam — ipešniki i inšyja. Z prybytkam pracujecie. A jak Biellehpramu, dziaržaŭnym pradpryjemstvam tudy pryjści, niešta vystavić i pradać, — heta nielha. Jak razumieć?» — spytaŭ jon.
Łukašenka zahadaŭ vystavić u paviljonie biełaruskuju pradukcyju.
«Pavinny być našy pradukty, jakija my vyrablajem, — ad praduktaŭ charčavańnia da techniki. I realizavanyja, nakolki heta mahčyma. A taksama zaklučanyja kantrakty. Efiektyŭnaść pavinna być hetaha Biełaruskaha centra, za jaki ja, padkreślivaju, zmahaŭsia», — skazaŭ jon
