Praces projdzie ŭ Homielskim abłasnym sudzie i pačniecca a 10-j hadzinie.
Słaŭnikavu abvinavačvajuć u «kiravańni ekstremisckim farmavańniem».
Iryna Słaŭnikava i jaje muž Alaksandr Łojka byli zatrymanyja 30 kastryčnika 2021 hoda ŭ aeraporcie Minska, kali viartalisia z adpačynku. Pieršapačatkova para była asudžanaja na 15 sutak aryštu za «publikacyju ŭ Facebook ekstremisckaha kantentu».
Havorka išła pra materyjały «Biełsata» pieryjadu, kali telekanał jašče nie byŭ pryznany ekstremisckim. Sutki skončylisia, ale ni muža, ni žonku nie adpuścili. Ich pryvieźli ŭ inšaje RUUS, dzie jany pačuli, što znoŭ zatrymanyja — nibyta «za drobnaje chulihanstva». I znoŭ im dali pa 15 sutak aryštu. 26 listapada 2021 hoda žurnalistku pryznali padazravanaj pa kryminalnaj spravie, a zatym pieraviali ŭ śledčy izalatar №1 u Minsku.
Irynie pieršapačatkova było vystaŭlenaje abvinavačvańnie pavodle artykuła 342 KK RB, častka 1 — «arhanizacyja hrupavych dziejańniaŭ, jakija hruba parušajuć hramadski paradak ci ŭdziełu ŭ ich».
Na minułym tydni žurnalist «Radyjo Svaboda» Andrej Kuźniečyk byŭ asudžany pa «ekstremisckim» artykule da šaści hadoŭ uzmocnienaha režymu.