Pieršy z mahčymych scenaryjaŭ — što Rasija budzie pastupova zachoplivać novyja i novyja terytoryi ŭ Łuhanskaj i Danieckaj abłaściach.
Druhi scenaryj — kali nivodny z bakoŭ nie zmoža prasoŭvacca, i vajna budzie ciahnucca ŭ pazicyjnaj fazie miesiacami ci navat hadami, ź vialikimi stratami dla abodvuch bakoŭ i nastupstvami dla suśvietnaj ekanomiki.
Treci scenaryj, jaki ličać najmienš vierahodnym — što Rasija skarektuje svaje mety, zajavić, što nibyta dasiahnuła taho, čaho źbirałasia, i pasprabuje padrychtavać hlebu dla zaviaršeńnia bajavych dziejańniaŭ.
Kali ž Rasii ŭdasca zamacavacca na zachoplenych terytoryjach, u ZŠA apasajucca, što Pucin pačnie vykarystoŭvać hetuju terytoryju ŭ jakaści płacdarma dla dalejšaha nastupu ŭhłyb Ukrainy.
Ekśpierty na Zachadzie ličać, što Rasija ŭ bajach na ŭschodzie Ukrainy — u bolš vyhadnych umovach za košt kolkasnaj pieravahi sił. Adnak paśla ciažkich bajoŭ ź vialikimi stratami moža adčuvacca niedachop asabovaha składu.
Rasija mahła stracić da traciny svaich naziemnych sił (nie ŭdakładniajecca, havorka idzie pra Sievieradaniecki kirunak ci šyrej). Rasii budzie niaprosta dabicca surjoznych dasiahnieńniaŭ biez poŭnaj mabilizacyi, a heta Pucin ličyć niebiaśpiečnym dla siabie krokam.
«Dumaju, chutka nastupić momant, kali abo adzin, abo druhi bok budzie mieć pośpiech. Albo RF dojdzie da Słavianska i Kramatorska, abo ŭkraincy ich tam spyniać. A kali ŭkraincy zmohuć trymać tam abaronu z takim suadnosinami sił — heta maje značeńnie», — kamientuje vysokapastaŭleny śpiecyjalist z NATA.
15 červienia ŭ Brusieli pavinna prajści treciaja sustreča farmatu «Ramštajn» nakont skaardynavanaj dapamohi zbrojaj Ukrainie.