Fota: Unsplash / Maru Lombardo
Ci jość pradukty, jakija ŭzmacniajuć žadańnie?
«Usio žadańnie pačynajecca z hałavy, — tłumačyć ekśpiertka. —Kali ŭ vas jość prablemy sa zdaroŭjem, vam nie padabajecca vaš partnior, to tady žadańnie šukajuć u niejkich lekavych srodkach. Jany na fizijałahičnym uzroŭni mohuć zabiaśpiečyć pryliŭ kryvi da pałavych orhanaŭ, ale heta budzie vypadak, kali fizičnaje nie budzie supadać ź psichałahičnaj ciahaj.
Vy takim čynam budziecie sprabavać padmanuć hałavu. A heta niebiaśpiečna, moža ŭ niejki momant źniknuć libida, žadańnie. Niejkich vidavočnych praduktaŭ u płanie ježy, jakija ŭzmacniajuć žadańnie, niama».
Jak reahavać na toje, kali partnior albo partniorka prosić pra niešta niezvyčajnaje padčas pałavoha akta?
«Kali vas upieršyniu pra niešta paprasili, to vy možacie nie zhadžacca heta rabić. Kali niešta adbyvajecca niečakana, heta sapraŭdy moža ŭhaniać u stupar, u zamiašańnie. Tut dapuščalna adrazu raskazać pra svaju emocyju. Naprykład, adreahavać tak: «Mnie niezrazumieła, jak heta rabić. Davaj my skončym seks, a potym abaviazkova abmiarkujem», — raić Zoja.
Čym možna zamianić uźbityja viarški dla pačatku preludyi, kali jość alerhija na łaktozu?
«Vidavočna, što treba znajści raślinnyja viarški. Taksama možna pasprabavać roznyja zmazki sa smakam. Ich šmat roznych pradajecca, hladzicie na skład, kab u vas nie było alerhii. Mahu skazać tak: časta čym daražejšaja zmazka, tym lepš jana pa składzie», — kaža Zoja.
Jak pieraadoleć strach seks-cacak u łožku?
«Znajści adkul jon. Albo ŭ vas byŭ užo niejki dośvied i vas heta mocna napałochała, albo vam raskazvali pra dośvied inšych ludziej i vy mocna ŭrazilisia i vyrašyli, što kali z vami padobnaje paŭtorycca, to budzie drenna. Jašče varyjant, što ŭ vas jość dumka ab tym, što kali vy pačniecie vykarystoŭvać seks-cacki, to vy da ich pryvyknicie ci ad vas admoviacca jak ad partniora», — raskazvaje jana.
Taksama nie varta zabyvać, što isnuje strach budučyni, strach niaviedańnia. Niekatoryja nie ŭmiejuć karystacca takimi pryładami.
«Tut treba prosta razabracca, jaki ŭ vas vid cacki. Atrymać bolš infarmacyi, kab sfarmiravać inakš svajo mierkavańnie», — raić ekśpiertka.
Jak pryvyknuć da taho, što padčas pałavoha aktu na ciabie ŭvieś čas hladzić kotka?
«Navošta da hetaha pryvykać? Vy hałoŭniejšyja za kotku. Vystavicie jaje z pakoja, ale zabiaśpiečcie dostup da tualeta i vady. Ja nie dumaju, što pałavy akt budzie doŭžycca daŭžej za dźvie hadziny, za hety čas kotka zrazumieje, što jość niejkija miežy, jakija parušać nielha.
Inšaja sprava, kali vy zajmajeciesia seksam z haspadarom žyvioły. Tut treba skazać partnioru, što vy tak nie možacie. Adekvatny čałaviek ab hetym pakłapocicca. Usio ž u adnosinach važniejšy čałaviek. Kali vam admoviać, to tady zadumajciesia, ci biaśpiečna vam dalej iści ŭ seks z hetym čałaviekam», — padsumoŭvaje Zoja.
Što kali seks — heta mahčymaść zakryć svaje nie seksualnyja patreby? Tak byvaje?
U kožnaha čałavieka, akramia fizijałahičnaha zapatrabavańnia ŭ seksualnaj realizacyi, jość jašče šmat sensaŭ, jakija tudy mohuć ubudoŭvacca. Časam seks — heta sacyjalna prymalnaja mahčymaść realizavać svaje inšyja patreby.
«Naprykład, ludzi, jakija niedaatrymali ŭ dziacinstvie cialesnaha kantaktu i nie ŭmiejuć prasić ab niejkich taktylnych rečach, — dla ich seks jakraz mahčymaść cialesna ŭzajemadziejničać ź inšym čałaviekam.
Dla niekatorych žančyn ci mužčyn sam fakt taho, što niechta zhadžajecca ź imi zaniacca seksam, paćviardžaje toje, što jany pryvabnyja. Kali jany pa-inšamu nie ŭmiejuć heta zapatrabavańnie zakryć, naprykład, nie čujuć, kali im pra heta prosta kažuć usłych, dla ich heta realizujecca ŭ seksie», — kaža jana.
Zoja tłumačyć, što ŭ hetym toicca niebiaśpieka. Časta ŭ ludziej, u jakich nie zdarajecca seks pa jakoj-niebudź pryčynie, na pieršy płan vychodzić dumka ab tym, što ich nie lubiać.
«Jany pačynajuć fizična ciarpieć ad adsutnaści cialesnaha kantaktu. Dobra dla siabie daśledavać, jakija sensy vy ŭkładvajecie ŭ seks i jak praktyčna ich možna inakš realizoŭvać.
Pryviadu siudy jašče adzin prykład. U mužčyny ciažarnaja žonka, jakoj doktar zabaraniŭ zajmacca seksam. Jon chodzić i ŭsio roŭna jaje pra heta prosić. Fizijałahična svajo zapatrabavańnie jon moža vykanać (samazadavalnieńnie nichto nie admianiaŭ), a brakuje jamu taho, kab žonka prosta skazała, što kachaje jaho».
Čytajcie taksama:
«Zamiest partniora ŭjaŭlaju inšaha čałavieka. Čamu?» Zadajem niajomkija pytańni pra seks
