Brytanskaja raźviedka: Siły «DNR» stracili zabitymi i paranienymi bolš za pałovu svaich bajcoŭ
Jak vynikaje z novaha dakładu brytanskaj vajskovaj raźviedki, rasijskija vojski i siły samaabvieščanaj «DNR», jakija vajujuć va Ukrainie, panieśli padčas bajoŭ u Danieckaj vobłaści ciažkija straty. Pavodle acenak brytanskich vajskoŭcaŭ, apałčency DNR stracili da 55% svajho pieršapačatkovaha asabistaha składu, što śviedčyć pra vielmi vysokaje ich źniasileńnie. Hetyja vysnovy hruntujucca na dadzienych, jakija publikujucca uładami «DNR», piša Bi-bi-si.
Fota: EPA
«Upaŭnavažanaja pa pravach čałavieka ŭ DNR» Darja Marozava na minułym tydni zajaviła pra 2128 zahinułych i 8897 paranienych z pačatku 2022 hoda «apałčencaŭ».
Voś užo niekalki miesiacaŭ z Danieckaj vobłaści pastupajuć paviedamleńni, što cyvilnych asob u prymusovym paradku zapisvajuć u «apałčency» i kidajuć u boj, pryčym u starym abmundziravańni i časta sa staroj znošanaj zbrojaj. Pra vysoki bajavy duch hetych «apałčencaŭ» kazać nie davodzicca.