Nacyjanalny bank Respubliki Biełaruś. Fota: Vikipiedyja
Krynicy Matolki śćviardžajuć, što na minułym tydni ŭ Nacbanku prajšła narada, padčas jakoj bankam była daviedziena zadača ŭ najkaraciejšyja terminy ŭvieści kamisiju za źniaćcie najaŭnych z rachunkaŭ dla nierezidentaŭ u pamiery minimum 15%.
Meta hetaha — abmiežavać mahčymaść ździajśnieńnia valutna-abmiennych apieracyj rasijanami, nie dać im zabirać i vyvozić ź Biełarusi zamiežnuju valutu.
Pakolki Nacbank nie choča asacyjavać siabie z hetym rašeńniem, tamu nijakich aficyjnych dakumientaŭ niama, usio davodziłasia ŭ vusnaj formie. A pryčyny jaho pryniaćcia ŭ tym, što
apošnija miesiacy rasijanie pačali masava jeździć u Biełaruś i skuplać dalary i jeŭra, zarablajučy na kursavoj roźnicy. Ciapier ža biełaruski Nacbank sprabuje ŭ pramym sensie spynić vymyvańnie valuty z krainy.
«U Rasii prysutničaje ciapier takaja valutnaja schiema: kupić dalar za rubli, pieravieści na svoj zamiežny rachunak, pieravieści ŭ najaŭnyja ŭ zamiežnym banku, uvieści nazad u RF najaŭnyja USD, pradać daražej», — paviedamlajuć krynicy.
Na dadzieny momant biełaruskimi bankami ŭviedzienyja nastupnyja abmiežavańni dla nierezidentaŭ (rasijan):
- Bank Darabyt. Kamisija 20% za vydaču najaŭnych z rachunkaŭ dla nierezidentaŭ (vyklučeńnie — rasijskija rubli i zarobki);
- Alfa-Bank (Biełaruś). Kamisija 15% za vydaču najaŭnych u kasach banka i limit na źniaćcie najaŭnych z kartaŭ bankaŭ-nierezidentaŭ u bankamatach — 500 rubloŭ na tydzień;
- MTB Bank. Kamisija 15% za zaličeńnie hrašovych srodkaŭ pa R2R-pieravodach, vykananych u pryładach i servisach bankaŭ-nierezidentaŭ i limit na źniaćcio najaŭnych z kartaŭ bankaŭ— nierezidentaŭ u bankamatach — 500 rubloŭ na tydzień;
- Bank VTB (Biełaruś). Limit na źniaćcio z kartaŭ «Mir» bankaŭ-nierezidentaŭ — 5 rubloŭ.
- BNB-Bank. Zabarona na R2R-pieravody na karty banka z-za miažy ŭ lubych valutach.
