Sa zvodki ŭkrainskaha Hienštaba na ranicu 24 červienia, 121-ha dnia vajny, vynikaje, što rasijanie, prarvaŭšy abaronu ŭkraincaŭ na poŭdni ad Lisičanska, na pravym bierazie Sievierskaha Danca, imknucca prasunucca da horada.
Niekatoryja punkty zvodki z tłumačeńniami:
Rasiejcy nanosili artyleryjskija ŭdary «niepadalok ad Vaŭčajaroŭki i Biełaj hary» i viali nastup «u rajonie Małoj daliny», dzie praciahvajucca bai. Vajačajaroŭka i Małaja Dalina — vioski za čatyry-piać kiłamietraŭ ad paŭdniovaj ŭskrainy Lisičanska, Biełaja Hara — zusim pobač ź joj, a što kankretna aznačaje «niepadalok» i «ŭ rajonie», hienštab nie rasšyfroŭvaje.
«Nastupalnyja dziejańni voraha ŭ rajonie Baroŭskaha našy voiny paśpiachova spynili», — piša hienštab. Baroŭskaje — paŭdniovaje pradmieście Sievieradaniecka, vystup u abaronie ŭkraincaŭ na levym bierazie Sievierskaha Donca.
Hienštab paviedamlaje ab artyleryjskich udarach praciŭnika ŭ rajonach Bierastavoha i Spornaha — adno siało raźmieščana na trasie Bachmut — Lisičansk, druhoje — «za trasaj» pa kirunku nastupu rasijanaŭ. Trasa, miarkujučy pa šmatlikich paviedamleńniach, daŭno faktyčna pierarezana, dla paviedamleńni z hrupoŭkaj u Sievieradanieck-Lisičansk va ŭkraincaŭ zastałasia tolki (abstrelvajemaja) daroha Sieviersk — Lisičansk.
Adnosna vosi nastupu na Słaviansk z poŭnačy, ad Iziuma i Limana, va ŭkrainskaha hienštaba navin niama: jon tolki paviedamlaje ab jakija praciahvajucca artabstrełach pazicyj ukraincaŭ u nasielenych punktach usio ŭ tych ža 15-20 kiłamietrach ad Słavianska.
U rajonie Charkava praciŭnik taksama praciahvaje artabstreły, a taksama, jak paviedamlaje hienštab, «aktyvizavaŭ dziejańni dyviersijna-raźviedvalnych hrup».
Na inšych frantach istotnych pieramienaŭ, miarkujučy pa zvodcy, niama.
