Fota: AP
Pryčyna — vielizarnaja kolkaść zakanadaŭčych aktaŭ, jakija treba pryniać i implemientavać. Jana taksama ŭdakładniła, što pieramovy ab ustupleńni ŭ ES mohuć pačacca na pačatku 2023 hoda.
Status kandydataŭ u ES Ukraina i Małdova aficyjna atrymali ŭčora.
«Pahadnieńnie. Jeŭrapiejskaja rada tolki što vyrašyła dać status kandydataŭ u ES Ukrainie i Małdovie. Histaryčny momant. Siońnia vyrašalny krok na vašym šlachu ŭ ES. Vinšuju Uładzimira Zialenskaha i Maju Sandu i narody Ukrainy i Małdovy. Naša budučynia razam», — napisaŭ u Tvitary prezident Jeŭrapiejskaj rady Šarl Mišel.
Rašeńnie było ŭchvalenaje na asnovie rekamiendacyi Jeŭrapiejskaj kamisii, pradstaŭlenaj 17 červienia.
Jeŭrakamisija prapanavała, kab ES mieŭ prava admianiać hety status u vypadku, kali Ukraina parušyć svaje abaviazalnictvy.
Jeŭrasajuz nie vyznačyŭ dakładnaj daty, da jakoj Ukraina pavinna dakazać zdolnaść pravodzić reformy. U prapanovie vyznačana, što pieršuju acenku Jeŭrakamisija praviadzie ŭ kancy 2022 hoda, adnak dla adnaŭleńnia reformaŭ va Ukrainie pavinny zaviaršycca bajavyja dziejańni, tamu termin moža być, i chutčej za ŭsio budzie, padoŭžany.
