Pa słovach čatyroch čynoŭnikaŭ i adnaho dypłamata, Uładzimir Zialenski imkniecca zamianić kiraŭnika SBU kimści bolš padychodziačym. Bakanaŭ trapiŭ pad škvał krytyki, bo rašeńni niepasredna jaho i inšych vysokapastaŭlenych aficeraŭ SBU kaštavali Ukrainie vialikaj častki terytoryi i adzinaha akupavanaha abłasnoha centra — Chiersona.
Tak, kiraŭnik miascovaha ŭpraŭleńnia SBU hienierał Kryvaručka prykazaŭ svaim padnačalenym evakujavacca jašče da rasijskaha ŭvarvańnia, a jaho daradca pałkoŭnik Sadochin, jak śćviardžajecca, naohuł dapamahaŭ akupantam.
Taksama SBU vinavaciać u tym, što jany nie ŭzarvali Antonaŭski most praz Dniapro, što dazvoliła Rasii lohka ŭvarvacca ŭ Chierson.
Bakanaŭ — siabar dziacinstva Zialenskaha. Da jaho prezidenctva jon byŭ jurystam «Kvartała 95» i kiravaŭ štabam Zialenskaha.
