Siarhiej Čysłaŭ (Bulba)

Siarhiej Čysłaŭ (Bulba)

Bulba nie byŭ u Biełarusi ŭžo piać hadoŭ. Heta nie pieraškodziła siłavikam pryjści ź pieratrusam da jaho svajakoŭ. 77-hadovuju maci Siarhieja zabrali prosta ź lecišča pad Vałožynam. Pra heta Bulba daviedaŭsia z paviedamleńnia ŭ mesendžary ad siastry.

— Siastra napisała, što prychodziŭ HUBAZiK, što byŭ dopyt, što zapisali niejkaje videa. Ja pierš ździviŭsia i navat vyrašyŭ, što akaŭnt siastry ŭzłamali, što piša niechta inšy. Paprasiŭ paŭtaryć usio toje samaje hołasam, kab ja pierakanaŭsia, što heta jana. Sapraŭdy — jana, — raskazvaje Siarhiej Bulba karespandentu «Jeŭraradyjo» na nastupny dzień.

Jaho siastru zabrali z pracy, maci — pryvieźli dachaty ź lecišča. Pa adrasie prapiski ŭčynili pieratrus.

— Što maci, što siastra — abiedźvie byli ŭ ciažkim psichałahičnym stanie. Siońnia mama troški adyšła ad hetaha, my pahavaryli. Paprasiŭ zrazumieć, što ja zmušany ŭsio heta ahučvać, kab heta nie stała normaj. Mama kaža, jaje prymusili zapisać karotkaje videa, na jakim jana nazyvaje svajo imia i prosić mianie nie zajmacca tym, čym zajmajusia. Nijakaha pakajańnia tam niama.

Bulba pryznajecca, što nie čakaŭ vizitu siłavikoŭ da jaho blizkich. U apošni raz pieratrus, kali «usich pastavili na vušy», u Bulby pravodzili ŭ 2007 hodzie. A paśla, kaža, «svajakoŭ nichto i nie čapaŭ».

— Ja z 14-ha hoda va Ukrainie. Jany mahli pryjści raniej. Ale dajšli čamuści tolki ciapier. Čamu? Jakija takija maje aktyŭnaści ich natchnili pryjści mienavita ciapier? Mahčyma, sprava ŭ tym, što ja ciapier aktyŭna vystupaju na ŭkrainskich telekanałach, dzie imknusia danieści, što [Alaksandr] Łukašenka nie subjekt palityki. Mahčyma, heta ich tak začapiła?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?